Surhandarıa oblysy fermerleriniń sózderinshe, egindi sýarý jetkiliksiz bolǵandyqtan bıylǵy astyq bitik shyqpaǵan. Saldarynan kóptegen dıqan jospardy durys oryndaı almaǵan.

"Bıyl qurǵaqshylyq saldarynan fermerlerdiń 80-90 paıyzy jospardy oryndaı almady. Qazir oblys jáne aýdan basshylyǵy bizden qaıdan tapsańdar da jospardy oryndańdar dep talap etip jatyr. Olar ótkizilmegen astyqtyń árbir kelisi úshin 1200 sým (0,15 dollar) tóletkizip jatyr. Bıyl kóktemde fermerler jergilikti bılikke sý jetispeıdi dep shaǵymdanǵan bolatyn. Endi bılik sýdyń jetispeýshiligin elemeı otyr", –deıdi dıqandardyń biri.

Endi bir Kızırık aýdanynyń fermeri atqarýshy bılik úı-úıdi aralap, maldarymyzdy tartyp alyp jatyr deıdi.

"Dıqandardyń biriniń sıyry men buzaýyn alyp ketti. Bizden maldaryńdy satyńdar deıdi. Bıliktiń óktemdiginen qoryqqan áriptesimizdiń biri úıindegi ógizi, sıyry men buzaýyn 12 mıllıon sýmǵa satty" – deıdi Kızırık aýdanynyń dıqany.

Al jergilikti bılik bolsa, mundaı aqparatty teriske balap otyr.