Paragvaıda óziniń janazasynyń ústinen túsken er adam týystaryn shoshytty, dep habarlaıdy Qamshy.kz aqparat agenttigi "The mirror" gazetine silteme jasap. 

Jıyrma jastaǵy jigit birneshe kún buryn iz-tússiz joǵalyp ketken. Keıinirek jergilikti polısıa jaqyn mańnan órtengen adamnyń máıitin taýyp alǵan. Máıitti otbasy músheleri joǵalǵan týysynyń máıiti dep túsinedi.

Brazılıamen shekaradaǵy baqylaýdyń álsizdigine baılanysty er adamnyń turǵylyqty ornynda qylmys kórsetkishi joǵary. Osy sebepti ony bireýlerdiń qınap óltirgeni otbasy úshin jańalyq bolmaǵan.

Tabylǵan máıitti polısıa otbasy múshelerine tabystap, kelesi kúni qoshtasý rásimin uıymdastyrylǵan. Alaıda «ólgen er adam» óziniń janazasynyń ústinen túsken.  Otbasy músheleri óldige sanaǵan týysyn kórgende aldymen qatty shoshyp, artynsha qýanyshtaryn jasyra almaǵan.