Orta salmaqta WBC, WBA (Super) jáne IBO tujyrymdary boıynsha álem chempıony Gennadıı Golovkın (38-0-1, 34 KO) meksıkalyq Saýl "Kanelo" Alvareske (49-1-2, 34 KO) qarsy ótetin ekinshi kezdesýdiń aldynda Qazaqstanǵa keledi. Bul týraly boksshynyń ózi Yahoo! Sports portalyna bergen suqbatynda aıtty, dep jazady vesti.kz. 

"Men Qazaqstanǵa jol júrip bara jatyrmyn. Kelesi aptada qaıta kelip, jattyǵýdy bastaıdy. Aldymen úıge baryp, dostarym men týystarymdy kórip qaıtqym keledi. Meniń qazir demalysqa ýaqytym bar. Kelesi aptadan bastap nazarymdy júz paıyz boksqa aýystyramyn", - deıdi Golovkın. 

Eske salaıyq, Golovkın men "Kanelo" ekinshi kezdesýdiń aldynda birlesip baspasóz jıynyn ótkizýden bas tartty. Olar endi tek kezdesýge bir apta qalǵanda ǵana birlesip baspasóz jıynyn ótkizedi. Olardyń ekinshi kezdesýi 15 qyrkúıekke josparlanǵan.