Fýtboldan álem chempıonatynyń pleı-off kezeńine shyqqan komandalar qarasy Horvatıamen tolyqty, dep habarlaıdy vesti.kz.
Fýtboldan álem chempıonatynyń pleı-off kezeńine shyqqan komandalar qarasy Horvatıamen tolyqty. "D" tobyndaǵy ekinshi oıynda shaqpaq jeıdeli qurama Argentınany 3:0 esebimen oısyrata utty.
Oıyndaǵy úsh gol da ekinshi taımda soǵyldy. 53 mınýtta qaqpashy Vıllı Kabalero oılamaǵan jerden qatelesti. Dopty sátsiz qaıtaryp qana qoımaı, horvat oıynshysy Rebıchtiń aıaǵyna salyp berdi. Fýtbolshy dopty birden qaqpaǵa baǵyttap, gol soqty.
Argentına quramasy tarazy basyn teńestirý úshin alǵa umtylǵanmen, gol soǵatyn ońtaıly sátti taba almady. Kerisinshe 80 mınýtta Lýka Modrıchtiń alys qashyqtyqtan tepken doby horvattardyń eki dop basymdyǵymen alǵa shyǵýyna jol ashty. Bul joly da Kabalero dopty qaıtarýǵa daıyn bolmaı shyqty.
Osy bir goldan keıin Ivan Rakıtıchtiń aıyp soqqysynan tepken doby da qaýipti boldy. Qaqpa baǵanyna tımegende, qaqpashynyń qaıtarýy qıyn edi.
Ivan Rakıtıch óz degenine jetti. Qosymsha ýaqytta gol soǵyp, horvattardyń qýanyshyn eseledi. Bul kezde argentınalyqtardyń qorǵanysy setinep, es jıa almaı turǵan sát edi... Esep 3:0. Horvatıa "D" tobynda birinshi bolyp 1/8 fınalǵa shyqty.
Bul toptaǵy endigi oıyn erteń Islandıa men Nıgerıa quramalary arasynda ótedi. Qazirgi tańda ekinshi joldamaǵa osy quramalar talasatyn bolady. Argentına men Islandıada bir-bir upaıdan bolsa, Afrıka qurlyǵynan kelgen qurama qorjyny ázirge bos tur.
