2006 jyly memleket qaıratkeri Altynbek Sársenbaıulynyń ólimin uıymdastyrý isi boıynsha sottalǵan QR Parlamenti Senaty apparatynyń burynǵy jetekshisi Erjan Ótembaev 63 jasqa qaraǵan shaǵynda qaıtys boldy, dep habarlaıdy Qamshy.kz aqparat agenttigi.
Bul týraly belgili saıasattanýshy Talǵat Qalıev óziniń Telegram paraqshasynda habarlady.
"2006 jyly Altynbek Sársenbaevtyń ólimin uıymdastyrý isinde kináli retinde abaqtyǵa jabylǵan Erjan Ótembaev qaıtys boldy. Arada jyldar ótken soń tergeý barysynda jalǵan kýálik bergenin moıyndap, atalmysh qylmysty uıymdastyrýǵa tapsyrys berýshi retinde Rahat Alıevti atady", - dedi Qalıev.
Saıasattanýshy óz jazbasynda Erjan Ábilhaıyrulynyń otbasy men jaqyndaryna qaıǵyryp kóńil aıtqan.
Esterińizge salaıyq, 2006 jyly saıasatker Altynbek Sársenbaıuly men onyń eki serigin óltirýge tapsyrys berdi degen aıyppen QR Parlamenti Senaty apparatynyń burynǵy jetekshisi Erjan Ótembaev 20 jylǵa sottalǵan bolatyn. 2014 jyly Ótembaevtiń isine baılanysty sot úkimi joıylyp, túrmeden bosatyldy. Bostandyqqa shyqqan soń saıasatqa aralasqan joq.
