Japonıanyń Osaka prefektýrasynda 18 maýsymda bolǵan jer silkinisi saldarynan 6700 turǵyn úı men sharýashylyq qurylymdary zaqymdanǵan, dep habarlaıdy Qamshy.kz aqparat agenttigi NHK-ǵa silteme jasap.
Jer silkinisiniń magnıtýdasy — 6,1. Zardap shekken úılerdiń basym bóligi 1980 jyldary salynǵan.
Sondaı-aq, apat bolǵan aımaqta osy ýaqytqa deıin 8,5 myń páter men jeke úılerde gaz óshirýli tur. Jer silkinisinen keıin olardyń sany 110 myń boldy. Tolyqtaı gazben jabdyqtaý 25 maýsymda qalpyna keltiriledi dep josparlanýda.
Jer silkinisinen Osaka prefektýrasynyń soltústiginde bes adam qaza taýyp, 350 turǵyn túrli jaraqat alǵan.
