Memleket basshysy Qazaqstan halqynyń jáne jeke óziniń atynan Rejep Erdoǵandy Túrkıa Respýblıkasy Prezıdentiniń saılaýyndaǵy aıqyn jeńisimen quttyqtady.

«Saılaý nátıjeleri túrik halqynyń Sizdiń el basshysy laýazymyndaǵy qyzmetińizdi joǵary baǵalap, júrgizip otyrǵan saıası jáne ekonomıkalyq reformalaryńyzǵa, sondaı-aq damýdyń strategıalyq baǵyttaryna shynaıy qoldaý bildirgenin kórsetti.

Qazaqstan men Túrkıa arasyndaǵy ózara qurmet pen baýyrlastyqqa negizdelgen dástúrli dostyq qarym-qatynas eki halyqtyń múddelerine qyzmet etip, bolashaqta bizdiń strategıalyq áriptestigimiz sapaly jańa deńgeıge kóteriledi dep senemin, – delingen jedelhatta.

Sońynda Nursultan Nazarbaev Rejep Erdoǵanǵa zor densaýlyq, jaýapty qyzmetine tabys, al baýyrlas túrik halqyna baq-bereke tiledi.