Meksıkalyq Oahaka shtatyndaǵy «Moren» partıasynyń depýtaty Emıgdıo Lopes Avendano dúısenbi kúni óltirildi. Onymen qosa tórt partıalyq áriptesi de saılaý aldy sapar barysynda tapsyryspen óltirildi. Bul týraly RIA Novostı jazdy.

«Jergilikti depýtattyqqa úmitker Ehýtla Emıgdıo Lopes Avendano men áriptesterin saılaý aldy saparyn oryndap júrgende óltirip ketti», - dep jazdy senator Salomon Hara Krýs Twitter-degi paraqshasynda.

Aldyn ala derekterge sáıkes, «Moren» partıasynyń bes múshesine oq atylǵan. Shabýyldyń sebepteri ázirge belgisiz.

Ettellekt analıtıkalyq kompanıasynyń deregine súıensek, Meksıkada saılaý aldy kampanıa barysynda 112 saıasatker óltirilgen. Olardyń 28-i joǵary laýazymdarǵa úmitker bolýǵa daıyndalyp júrgender bolsa, taǵy 14-i tirkelgender.

Osyǵan oraı Meksıka bıligi 1 shildede ótetin daýys berý naýqanyna deıin ár úmitkerdiń qaýipsizdigin qamtamasyz etýdi qolyna aldy.