Malazıada jergilikti bıznesmen qolyndaǵy smartfony jarylyp ketip qaıtys boldy dep habarlaıdy Qamshy.kz aqparat agenttigi. Oqys jaǵdaı er adam uıyqtap jatqan kezde bolǵan.

Jergilikti BAQ-tyń habarlaýynsha, qaıtys bolǵan Nazrın Hassan – Cradle Fund kásipkerlik kompanıasynyń atqarýshy dırektory bolyp qyzmet atqarǵan.

Oqys jaǵdaı 45 jastaǵy kásipker smartfondy jatyn ornynyń qasyna qýat kózine qosyp qoıǵanda bolǵan.

Smartfon túsiniksiz jaǵdaıda jarylyp ketken. Artynsha órt shyqqan. Deneseniń 100 paıyzy kúıip qalǵan Nazrın Hassan oqıǵa ornynda qaza tapqan. Jarylys nátıjesinde smartfonnyń jarylyp, bir bólshegi er adamnyń basyna tıgen. Jarylystyń áserinen bólmedegi barlyq jıhaz órtenip ketken.

Marqumnyń týystarynyń aıtýy boıynsha kásipkerdiń Blackberry ı Huawei markaly eki smartfony bolǵan. Biraq polısıa eki telefonnyń qaı markasy jarylǵanyn aıtpaı otyr.

«Esh zıany joq telefon úsh balany ákesiz jetim qaldyrady dep kim oılaǵan», - dep kúrsindi marqumnyń týysy.