Astana kúnine oraı Maqtaaral aýdanynda 4 birdeı nysan el ıgiligine berilmek. Olardyń ekeýi mektep, bireýi balabaqsha, bireýi múgedek balalardy ońaltý ortalyǵy. Sondaı-aq, Elordamyz Astana qalasyna 44  tonna  aýyl sharýashalyǵy ónimderi jóneltilgeli otyr. Búgin osyǵan oraı aýdan ákimdiginiń apparat otyrysy ótti. Jıynda budan ózge maqta zıankesterine qarsy kúres jumystaryn kúsheıtý, bilim uıalarynyń qysqa ázirligi jáne «Qaýyn fest» festıvaline daıyndyq jumystary pysyqtaldy.

Jıyndy júrgizip otyrǵan aýdan ákimi Jamantaı Beısenbaev Astana kúnine oraı el ıgiligine beriletin nysandardaǵy daıyndyq jumystaryn nazarda ustaýdy eskertti. Sondaı-aq, mereke kúnderi qoǵamdyq tártipti kúsheıtýdi jáne tazalyq máselesine kóńil bólýge shaqyrdy.

 «Astana kúnine oraı aýdanymyzda 4 nysan paıdalanýǵa beriletin bolady. Osyǵan oraı daıyndyq jumystaryn taǵy bir pysyqtap alýymyz qajet. Sonymen qatar Astana qalasyna jóneltiletin aýyl sharýashylyǵy ónimderiniń sapasyna mán berýdi tapsyramyn. Búginde barlyq ónimderimiz pisip, jetildi. Qaýyn, qarbyz, taǵy da basqa kókónis túrleriniń ónim kólemi  jyldaǵydan joǵary bolyp otyr. Sondyqtan Astana qalasyna baryp, óz ónimderin saýdalaǵysy keletinderge tasymal jaǵynan ıaǵnı tehnıkamen qamtamysyz etip berýge tıispiz», - dedi Jamantaı Qanaıuly.

Jıynda taǵy bir mańyzdy másele – maqta zıankesterine qarsy kúres sharalarynyń barysy talqylandy. Búginde aýdanda maqta daqylynyń ósý qarqyny jaman emes. Endigi másele – aǵyn sýmen qamtamasyz etý bolyp otyr. Osy jaıttarǵa toqtalǵan aýdan ákimi aldaǵy 5-10 shilde kúnderi aýdan sharýalaryna qajetti 100 tekshe metr aǵyn sý beriletin bolady. Bir aıǵa jýyq úzdiksiz beriletin aǵyn sýdy tıimdi ári únemdi negizde paıdalanǵan jón.

Budan bólek jıynda aýdandaǵy egistik jerlerdi sıfrlandyrý máselesi de sóz boldy. Qazirdiń ózinde aýdan kólemindegi sýarmaly jerlerdiń 56, 5 paıyzy elektrondy kartaǵa enip úlgergen. Iaǵnı bul 76 myń gektardan astam egistik jerdi quraıdy.

Apparat otyrysynda bilim uıalarynyń qysqa daıyndyq jumystaryn kúsheıtý máselesi de nazardan tys qalǵan joq. Sonymen qatar aldaǵy tamyz aıynda uıymdastyrylatyn «Qaýyn fest» festıvaline daıyndyq jumystary da taǵy bir ret pysyqtaldy.