Atyraý oblysynda «Rýhanı jańǵyrý» baǵdarlamasy boıynsha aýyldyq jerlerde aǵylshyn tilin úırenýge qolaıly orta qalyptastyrý jumystary da qolǵa alynǵan, dep jazady Qamshy.kz aqparat agenttigi tilshisi. Bul týraly «Nur Otan» partıasy oblystyq fılıaly tóraǵasynyń birinshi orynbasary Nurlybek Ojaevtyń jergilikti basylymdarǵa bergen suhbatynda belgili boldy. 

«Rýhanı jańǵyrý» baǵdarlamasy boıynsha aýyldarda aǵylshyn tilin úırenýge qolaıly orta qalyptastyrýǵa jáne elimizde eriktiler qozǵalysyn damytýǵa basymdyq berildi. Osyǵan oraı aǵylshyn tilin erkin meńgergen 500 qazaqstandyq jáne sheteldik jas erikti túrde aýyl mektepterine jiberilip, olar arnaıy qurylǵan klýbtarda jergilikti jastarǵa til úıretetin bolady. Joba aıasynda  bıylǵy 21 maýsymynan bastap aımaqta aǵylshyn tilin úıretetin arnaıy  185  jazǵy lager óz jumysyn bastaıdy.

«Úshtildilikke kóshý» jobasyna Jylyoı aýdanynyń  Jańa Qaraton kentindegi №23, Inderbordaǵy Kóktem, Aqqystaý selosyndaǵy Aqqystaý, Maqat aýdandaǵy Hamza Sanbaev, Qurmanǵazy aýdanyndaǵy Begalıev, Mahambet aýdanynyń Saraıshyq selosyndaǵy Qarashauly, Atyraý qalasyndaǵy Farıza Ońǵarsynova atyndaǵy orta mektepter men Mıalydaǵy №1 mektep-gımnazıasy qatysady.