Atyraý oblysynyń Qyzylqoǵa aýdanynda «Rýhanı jańǵyrý» kishi jobalyq keńsesi ashyldy, dep jazady Qamshy.kz aqparat agenttigi.   Elbasy Ulttyq bolmys pen biregeılikti saqtaı otyryp, óshkenimizdi qaıta túgendep óskeleń urpaqqa úlgi etý maqsatynda  «Rýhanı jańǵyrý» baǵytynda birqatar baǵdarlamalyq bastamalardy qolǵa alǵany belgili.  Bul keńse kóne dáýir tarıhyn zerttep, búgingi urpaqqa esh búkpesiz jetkizýge mol múmkindik bermek.

Elbasy maqalasynda "Jańǵyrý ataýly burynǵydaı tarıhı tájirıbe men ulttyq dástúrlerge shekeden qaramaýǵa tıis. Kerisinshe, zamana synynan súrinbeı ótken ozyq  dástúrlerdi tabysty jańǵyrýdyń mańyzdy alǵysharttaryna aınaldyra bilý qajet. Eger jańǵyrý eldiń ulttyq-rýhanı tamyrynan nár ala almasa, ol adasýǵa bastaıdy.", - degen bolatyn. 

Atyraý oblysynda «Rýhanı jańǵyrý» baǵdarlamasyn nasıhattaý men júzege asyrý boıynsha kóptegen sharalar qolǵa alynyp keledi. Ótken jyly H.Dosmuhamedov atyndaǵy Atyraý memlekettik ýnıversıtetinde "Bolashaqqa baǵdar: rýhanı jańǵyrý" baǵdarlamasyn júzege asyrý úshin Úılestirý ortalyǵy qurylǵan bolatyn. Saraptama keńesiniń quramyna ǵalymdar, ólketanýshylar, Qazaqstan halqy Assambleıasy Atyraý oblysy boıynsha ókilderi men jýrnalıser engen. 

Al bıyl baǵdarlama aıasynda myńnan astam balaǵa bilim beretin IT synyptar men aǵylshyn tilin úıretetin jazǵy lagerler juysyn bastady.