2018 jyldyń 3 shildesinde «Samuryq-Qazyna» Korporatıvtik ýnıversıtetinde jas mamandarǵa arnalǵan «Jas Órken» baǵdarlamasy baıqaýynyń aqtyq kezeńi – baıqaý komısıasynyń otyrysy ótti dep habarlaıdy Qamshy.kz aqparat agenttigi«Samuryq-Qazyna» AQ Qoǵammen baılanys jánemarketıngtik komýnıkasıalar departamentine silteme jasaı otyryp.
«Samuryq-Qazyna» AQ-nyń Operasıalyq qyzmetter jónindegi basqarýshy dırektory Álisher Pirmetovtiń tóraǵalyq etýimen ótken komısıa quramynda Qordyń qorjyndyq kompanıalarynyń basqarýshy dırektorlary, uıymdastyrý komıtetiniń ókilderi boldy.
2018 jyldyń basynda baıqaýǵa qatysýǵa 737 úmitker ótinish bergen bolatyn, olardyń 27-si irikteý kezeńderinen sátti ótip, aqtyq kezeńge jetti. Bul – 2016, 2017, 2018 jyldary elimizdiń 10 oblysy men Astana, Almaty jáne Shymkent qalalaryndaǵy joǵary oqý oryndaryn bakalavrıat nemese magıstratýra baǵdarlamalary boıynsha bitirgen túlekter.
Baıqaý sharty boıynsha baǵdarlamaǵa nebári 20 túlek qatysyp, olar 20 aı boıy «Samuryq-Qazyna» AQ-nyń birneshe qorjyndyq kompanıasynda jedel jetildirý baǵdarlamasynan ótedi. Jas mamandardy eńbek jolyn bastaýdyń biregeı múmkindigi – elimizdiń iri ındýstrıaldyq kásiporyndaryndaǵy oqý men jumys kútip tur. Ár qatysýshyǵa qorjyndyq kompanıanyń jelilik jetekshilerinen jeke tálimger taǵaıyndalady.
Baǵdarlamadan sátti ótken jas mamandarǵa «Samuryq-Qazyna» AQ kompanıalar tobynda jumys isteý jáne ary qaraı jetilý jospary jasalady. Baǵdarlama aıaqtalǵan soń daryndy jas mamandar Qazaqstannyń ulttyq kompanıalaryndaǵy komanda múshesi bolý múmkindigine ıe bolady.
«Jas Órken» baǵdarlamasyna jas mamandar alǵash ret 2017 jyly iriktelip alynǵanyn atap ótý kerek. Ol kezde baıqaýǵa qatysýǵa 594 úmitker ótinish bergen bolatyn, qazir olardyń jıyrmasy Qordyń 16 qorjyndyq kompanıasynda taǵylymdamadan ótip jatyr.
