Almatyda «Tomırıs» fılminiń prodúseri Anna Chakırtova joǵalyp ketti, dep jazady Qamshy.kz aqparat agenttigi.

Áıeldiń jaqyndarynyń sózinshe, Chakırtova 2 shilde kúni keshki saǵat 21.20-da úıinen shyǵyp ketip, sol kúıi oralmaǵan. 

«Sol kúni saǵat 20.00 shamasynda keńseden shyǵyp, úıge ketken. Jolda dári-dármek alý úshin dárihanaǵa kirdi. Ary qaraı úıge bardy. Bizdiń eki balamyz bar – ulymyz 1997 jylǵy, al qyzymyz 1999 jylǵy. Uldy dúkenge jiberip, ózi úıde qalǵan. Ulym qaıtyp kelse, áıelim joq eken. Uıaly telefonyn telefon qýattaǵyshqa qoıyp, úıde tastap ketken. Ol jaýapkershiligi bar adam, eskertpeı eshqaıda ketpeıtin, bizge ár qadamyn aıtyp júretin», - dedi kúıeýi Murat Nuǵmanov.

Kúıeýiniń aıtýynsha, dárihanadaǵy baqylaý kamerasynan Annanyń sońyǵ ret qandaı kıimde bolǵany kórinip tur. Prodúserdiń týystary Annany kórip qalǵan jaǵdaıda myna nómirlerge habarlasýdy suraıdy: +7 707 272 0945.