Áleýmettik bes bastama aıasyndaǵy baspana baǵdarlamasynyń seriktes bankteri anyqtaldy. Bul týraly Ulttyq bank baspasóz-konferensıasynda, - dep jazady Qamshy.kz aqparat agenttigi. Belgili bolǵandaı, «7-20-25» baspana baǵdarlamasynyń nesıelendiretin bankter Bank SentrKredıt, Eýrazıalyq bank, ATF Bank, Bank RBK, Qazaqstannyń halyq banki, Sesnabank, Qazaqstannyń turǵyn úı qurylys jınaq banki. Sondaı-aq, 2018 jyldyń sońyna deıin Sberbank pen ForteBank bankteriniń qosylýǵa daıyn ekenin aıtylǵan.

Eske salsaq, 19 maýsymda Ulttyq bank atalǵan baǵdarlamamen baspana alýdyń sharttaryn jarıalaǵan. Qazaqstan Respýblıkasy Ulttyq Banki Basqarmasynyń 2018 jylǵy 31 mamyrdaǵy № 107 qaýlysymen «7-20-25. Árbir otbasyna baspana alýdyń jańa múmkindikterin berý» ıpotekalyq turǵyn úı kredıtteý baǵdarlamasyn bekitti.

Baǵdarlamaǵa Qazaqstan Respýblıkasynyń eńbek jáne (nemese) kásipkerlik qyzmetten alatyn tabysy bar, sondaı-aq menshik quqyǵynda turǵyn úıi joq kez kelgen azamaty qatysa alady.

Baǵdarlamada Qazaqstan Respýblıkasynyń kez kelgen óńirinde bastapqy naryqta turǵyn úı satyp alý úshin mynadaı qun sheginde ıpotekalyq turǵyn úı qaryzyn alý múmkindigi qaralady: 25 mln teńge – Astana, Almaty, Aqtaý jáne Atyraý qalalarynda; 15 mln teńge – basqa óńirlerde. Baǵdarlamanyń operatory Qazaqstan Respýblıkasy Ulttyq Bankiniń enshiles uıymy – «Baspana» ıpotekalyq uıymy» AQ bolyp tabylady.