Aqtóbe oblysynda «Baqytty bala» jobasyn júzege asyrý jalǵasyp jatyr.
Sonyń aıasynda balalyq shaqty qoldaý jáne balalardy damytýdyń teńdesi joq sharalary qabyldanýda. Sonyń ishinde ata-ana qamqorynsyz qalǵan jetim balalardy baspanamen qamtamasyz etý jumystary kúsheıtildi. Osy maqsatta jyl basynan beri balalardyń TQJB-degi jınaq shottary 71,2 mıllıon teńgege tolyqty. Otyz jetim balanyń endigi óz baspanalary bar.
4 shilde, sársenbi kúni Astananyń mereıtoıy men Dóń taý-ken baıytý kombınatynyń 80 jyldyǵyn merekeleýge oraı taǵy 12 mln teńge Hromtaý aýdanynda qamqorshysymen birge turyp jatqan segiz balanyń shotyna aýdaryldy.
Balalarǵa sertıfıkattardy Aqtóbe oblysynyń ákimi Berdibek Saparbaev penERG menedjerler keńesiniń tóraǵasy Aleksandr Mashkevıch tapsyrdy.
- Bizdiń bolashaǵymyz – balalar. Kez kelgen qoǵamda, kez kelgen memlekette olarǵa kóp kóńil bólinedi. 27 jyldyń ishinde Prezıdentimiz Nursultan Nazarbaev qazaqstandyq jastardyń laıyqty bilim alyp, mádenı deńgeıi, bilimi, densaýlyǵy jóninen ózge elderdegi qatarlastarynan qalmas úshin barlyǵyn jasady. Nazarbaev zıatkerlik mektebin, Nazarbaev ýnıversıtetin ashý, «Bolashaq» baǵdarlamasy – osynyń bári balalarymyz úshin, - dep atap ótti oblys ákimi óziniń qutttyqtaý sózinde.
Berdibek Saparbaev sondaı-aq, ERG atynan kelgen AleksandrMashkevıchke áleýmettik jaýapkershiligi úshin alǵys aıtty. Ol «Qazhrom» TUK» AQ qarajaty esebinen Aqtóbede tuńǵysh ret Shyǵarmashylyq akademıasy turǵyzylǵanyn eske saldy, búginde 7 myńǵa jýyq aqtóbelik bala túrli seksıalar men úıirmelerge baryp júr.
Budan keıin óńir basshysy men «Eýrazıalyq top» menedjerleri keńesiniń tóraǵasy qaıta jańǵyrtylǵan «Kenshi» aleıasynyń ashylýyna qatysty. Aleıanyń basty kórki jańartylǵan eki sýburqaq boldy. Quny 42, 9 mln teńge bolatyn jumystar «Týǵan jerge taǵzym» aksıasy aıasynda oryndalǵan.
- Búgin men osynda birneshe sebep boıynsha bolǵanyma óte qýanyshtymyn, aldymen biz elordamyz Astananyń 20 jyldyǵy men dúnıe júzin hrom rýdasymen qamtamasyz etip otyrǵan Dóń taý-ken baıytý kombınatynyń 80 jyldyǵyn atap ótýdemiz. Elimizdiń qalaı ózgerip, nyǵaıyp kele jatqanyna, Aqtóbe oblysynyń, Hromtaýdyń qalaı ózgergenine qarańyz. Elbasymyzǵa rahmet, osy ózgeristerdiń barlyǵy da sonyń arqasynda, eldi alǵa jetelep kele jatqan sol, - dep atap ótti Aleksandr Mashkevıch aleıanyń ashylý saltanatynda.
- 24 jyl buryn Hromtaýǵa kelgenim esimde. Ol kezde basqa qala bolatyn. Al búgin biz Hromtaýda 120 páterli jańa úıdi paıdalanýǵa berdik, Dóń aýylyndaǵy jańa mekteptiń ashylýynda boldyq, jáne bir aıtqym keletini: biz oqyǵan kezde tipti Almatynyń úzdik aýdandarynda da mundaı mektep bolmaǵan, - dedi ERG menedjerleri keńesiniń tóraǵasy sózin jalǵastyryp.
Osynda aleıada Berdibek Saparbaev pen Aleksandr Mashkevıch «Baqytty bala» balalar sýretteriniń kórmesin qarap shyqty. DTKBK qyzmetkerleriniń balalary qataryndaǵy jas sýretshiler 30 kartınany usyndy. Kásiporynnyń kóp balaly alty otbasyna noýtbýkter tartý etildi.
Budan basqa, oblys ákimi men ERG menedjerler keńesiniń tóraǵasy Hromtaý aýdanyna sapary kezinde Hromtaý qalasyndaǵy «Kenshi» ortalyq stadıonynyń turmystyq korpýsynyń qurylys barysymen tanysty. Qurylys jumystaryn Dóń KBK qarjylandyrady. Sondaı-aq, bıyl oblys ákimdigi men «Eýrazıalyq toptar» arasyndaǵy áleýmettik jaýapkershilik týraly memorandým aıasynda «Kenshi» stadıonynyń ózi de aıtarlyqtaı jańǵyrtylmaq. Kúrdeli jóndeý jumystary kezinde stadıonǵa fýtbol oınaý úshin zamanaýı jasandy jabyndy tóseledi, dybys júıesi men Led-ekrandar ornatylady. Osy maqsatqa 2018 jyly 200 mlnteńge aýdarylady. Osy jobalardy júzege asyrýdyń arqasynda birinshi lıganyń «Aqtóbe-Jas» fýtbol komandasy tolyqqandy jeke jattyǵý bazasyna ıe bolady.
