Qazaqty «aspanǵa qaratqan» ánshi Abaı Begeı jýyrda ekinshi ret shańyraq kótergen edi. Jelide ánshiniń toıynan sýretter órbip júrdi. Baqyt tilegendermen qatar ózinen 16 jas kishi qyzdy jar etip alǵan Abaı Begeıdi synaǵandardyń qatary kóp boldy. Toıy ótkennen keıin birneshe kúnnen soń ánshi halyqtyń synyna jaýap berdi, dep jazady Qamshy.kz aqparat agenttigi.

«Men jaıynda, meniń otbasym jaıynda biraz áńgimeler bolyp jatyr eken. Jaqsy tilek bildirýshilerge Alla razy bolsyn», - dep bastaǵan ánshi teris pikir jazýshylarǵa mán-jaıdy ashyp aıtyp berýdi jón sanady.

«Úsh jyl buryn anam, týǵan aǵam, jan jarym dúnıeden ótip, biraz ýaqyt eseńgirep qalǵan edim. Kınaldym, qaıǵyrdym, qajydy. "Jalǵyzdyq qudaıǵa ǵana jarasqan" deýshiler kóp bolsa da úılenýden bas tartyp júrdim. Sebebi, qyzdarym men ulymnyń júregine aýyr jara salýdan qoryqtym. Eshkimde ananyń ornyna ana bola almasyn túsindim», - dep jazdy ánshi Instagram-daǵy paraqshasynda.

Ánshi úılený týraly oıdy shet shyǵaryp qoıǵanymen otbasynyń uıytqysy men berekesi bolar jannyń qajet ekenin túsinedi.

«Tuńǵyshym qutty ornyna qondy, uzatyldy shúkir. Naǵashylaryna alǵysym sheksiz. Ulyma ananyń mahabbatyn bere almasam da ákelik jol kórsetip, jaqsy azamat bolaryna úles qosa alarmyn. Al, kishkentaı qos qarlyǵashyma durys baǵyt-baǵdar, tárbıe berý úshin ananyń ornyn basa almasa da, qurbydaı syrlas áıel kerek. Óıtkeni 10 jastan bastap ákesine aıta almaıtyn qyzdardyń qupıa-syrlary bastalatyny anyq qoı. Ótpeli jáne jasóspirim shaǵynda janynda tabylyp, syrlasatyn, qoldaıtyn ımandy jar izdedim», - dep jazdy ol.

Buǵan qosa, Abaı Begeıdiń anasy men ákesiniń jas aralyǵy 16 jas eken.

«Jas qyzǵa úılendi dep sógý de orynsyz. Sebebi, kimniń kimge jup bolatynyn biz anamyzdyń ishinde jatqan kezde-aq ALLA TAǴDYRYMYZǴA JAZYP QOIǴAN. Eki adamdy kezdestiretin de, toǵystyratyn da – ALLA. Toıdy baı, tanymal nemese aqshamyz asyp-tasyǵannan emes, sharıǵat boıynsha JARIALAÝ maqsatynda jasadyq. Ómirdegi, ónerdegi tek jaqyndarymdy jınadym», - dep jazdy Abaı Begeı.

Sóz sońynda otbasyna baqyt tilep, jaqsy tilekterin jaýdyrǵan oqyrmandary men jaqyndaryna alǵys bildirdi.

«Men bir áıeldiń ústine bir áıel alyp nemese birinshi otbasymdy tastap ketip, ekinshi ret úılenip otyrǵan joqpyn. Bul -TAǴDYR», - dep sózin qorytyndylady ánshi.

Aıta keteıik, osydan úsh jyl buryn Abaı Begeı Janat esimdi jubaıynan aıyrylǵan. Qazirgi jary ózinen 16 jas kishi.