Memleket basshysy Japonıanyń premer-Mınıstri Sındzo Abege kóńil aıtý jedelhatyn joldady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.
Nursultan Nazarbaev Japonıadaǵy nóser jańbyr men laı kóshkini saldarynan kóptegen adamnyń qaza bolǵany týraly habardy zor kúızelispen qabyldady.
«Tabıǵı apat saldarynan jaqyndaryn joǵaltqan jáne zardap shekken otbasylardyń, sondaı-aq búkil Japonıa halqynyń qaıǵysyna ortaqtasyp, kóńil aıtamyn», – delingen jedelhatta.
Memleket basshysy Qazaqstan halqynyń osyndaı aýyr sátte Japonıa halqymen birge ekenin jetkizip, zardap shekkenderdiń tezirek saýyǵyp, otbasylaryna oralýyna tilektestik bildirdi.
