Oraldaǵy qalalyq M.Gorkıı atyndaǵy kitaphanada Elbasymyzdyń «Rýhanı jańǵyrý» qoǵamdyq sanany jańǵyrtý baǵdarlamasy aıasynda «Latyn álipbıi kabıneti» ashyldy.

Kabınettiń ashylýyna Oral qalalyq mádenıet jáne tilderdi damytý bóliminiń ókilderi, mádenıet mekemeleriniń basshylary, QR UU «Batys» óńirlik qolbasshylyǵy men 5517 áskerı bóliminiń til mamandary qatysty.

 Atalmysh ashylǵan latyn álipbıi kabınetinde ulttyq alfavıt, semınar-trenıngter, oqý kýrstary, lıngvıs ǵalymdardyń onlaın keńesteri oqytylatyn bolady.Sondaı-aq, munda tek kitaphana qyzmetkerleri emes,  barlyq qala turǵyndarymen qatar ulttyq ulannyń  jeke quramyda  da latyn álipbıine úırene alady.

  Saltanatty jıynda M.Gorkıı atyndaǵy kitaphana dırektory Gúlaıym   Aqashaeva, Oral qalalyq mádenıet jáne tilderdi damytý bóliminiń til sektorynyń  meńgerýshisi Roza  Zaınýllına, Qazaqstan Respýblıkasy Ulttyq ulannyń «Batys» óńirliq  janyndaǵy halyq mádenıeti ýnıversıtetiniń rektory Shamıl  Meńdiǵalıev,  Qazaqstan Respýblıkasy Ulttyq ulannyń «Batys» óńirliq tárbıe  jáne áleýmettiq-quqyqtyq basqarmasynyń  ofıseri  kapıtan  Ómirjan Ǵabıt sóz  sóıledi.

M.Gorkıı atyndaǵy kitaphana dırektory Gúlaıym   Aqashaevanyń sózine qaraǵanda latyn grafıkasyn oqytýǵa arnalǵan mundaı  kabınetter  aldaǵy  ýaqytta oblysymyzdyń aýdandaryndaǵy   barlyq kitaphanalarynda ashylmaq.Al, Batys Qazaqstan oblysynyń kitaphanasynda mundaı   kabınettiń ashylýy – tarıhı máni bar oqıǵa.

-Biz táýelsizdik alǵanmen, jazýda táýelsizdikke qolymyz jetpeı júrgen edi. Al, 2017 jyldyń 26-qazanda Elbasy olqylyqtyń ornyn toltyrdy. Endi jańa álipbı úlgisi qabyldandy.Buryn eki tilde 76 árip qoldanyp kelsek, endi bir tilde 32 árippen jazatyn bolamyz. Jańadan ashylyp jatqan  kabınettiń  latyn tilin meńgerýde alar oryny erekshe – dedi kabıneti  ashylý saltanatynda Oral qalalyq mádenıet jáne tilderdi damytý bóliminiń til sektorynyń  meńgerýshisi Roza  Zaınýllına

Al, Qazaqstan Respýblıkasy Ulttyq ulannyń «Batys» óńirliq  janyndaǵy halyq mádenıeti ýnıversıtetiniń rektory Shamıl  Meńdiǵalıev  óziniń osy grafıkaǵa aýysýdy 2000 jyldan beri kútip kelgenin aıtyp, latyn jazýynyń qazaqty toptastyrýy kerektigin alǵa tartty.

-Bizdiń birligimiz, tirligimiz myqty bolýy kerek. Osy jerde jastarǵa aıtarym, latyn jazýy – bizdiń bolashaǵymyz. Sondyqtan osy jazýdy qazirden bastap úırenýge, jazýǵa shaqyramyn,- dedi qoǵam qaıratkeri.

-Latyn álipbıine kóshý – zaman talaby, jahandaný úderisindegi órkenıetke aparar jol. Latyn — ındýstrıa tili, sondyqtan latyn qarpine kóshetin kezeń naq osy shaq, — dedi Qazaqstan Respýblıkasy Ulttyq ulannyń «Batys» óńirliq tárbıe  jáne áleýmettiq-quqyqtyq basqarmasynyń ofıseri  kapıtan  Ómirjan Ǵabıt.

 Óz kezeginde kitaphana qyzmetkeri  Gúlnur Alǵazy  latyn álipbıine kóshýdiń máni men mańyzyn túsindirip, latyn grafıkasyna negizdelgen qazaq tiliniń jańa álipbıimen tanystyrdy,  jańa álipbıde kezdespeıtin «s», «e», «ıý» áripterin latyn tańbasymen qalaı jazylatyndyǵy, sondaı-aq kompúterde kırılısamen tergen mátindi avtomatty túrde latyn grafıkisine aýdarý úshin konverterdi qoldaný, qazirgi pernetaqtalardaǵy qazaq tiline tán áripterdi latyn grafıkasymen jazý úshin pernetaqtada  qalaı terý tásili týraly málimdedi.

 Shara  barysynda kórermender «Latyn álipbıi kabınetinde» qoıylǵan 1929-1940 jyldar aralyǵynda jaryq kórgen latyn grafıkasy negizindegi qazaqstandyq kitaptar men merzimdi basylymdardyń kórmesine kýá bop, latyn grafıkasynyń jańa nusqasy boıynsha óz aty-jónderin jazysty.