Memlekettik sektordaǵy qyzmetkerler jýrnalısermen baılanysty nyǵaıtýdyń ornyna, ózderine jaý etedi. KSRO-nyń jabyq saıasatyna úırengen BÚROKRATTAR, óńsheń!
BJZQ uıymy jýrnalıserge jazǵy mektep uıymdastyrǵan. "Suraqtaryńyzdy qoıyńyzdar" degennen bastap, oıda júrgen suraqtardy qoıa bastadym. Olar keıbir suraqtarym "durys emes ýaqytta" qoıylǵanyn aıtyp, jaýap berýden bas tartty. Baspasóz qyzmeti basshysynyń aıtýynsha, olar jýrnalıserdi qor jumysymen tanystyrýǵa jınapty. Onyń syrtyndaǵy suraqtardy qoıýǵa bolmaıdy eken.
Mysaly, men qarjy salasyna qatysy joq is-sharada Qaırat Kelimbetovti kórip qalsam, "búgin odan AIX (halyqaraly bırja) týraly suraýǵa bolmaıdy, basqa sharada júrmiz" demeımin ǵoı. Solaı dep, odan pikir almaıtyndaı, Kelimbetovti kúnde kórip júrsem eken?! Onsyz da "nedostýpnyı" adamdardy bir kórgende, oıdaǵy suraqtardy jaýdyrýdyń nendeı jamandyǵy bar?! Ońtaıly jaǵdaıdy paıdalaný biz úshin óte mańyzdy.
Qor qarapaıym halyqtyń salyp otyrǵan qarjysynan quralǵandyqtan, azamattardyń uıymnyń jumysy, jobalary men ınvestısıalyq strategıasy týraly bilip otyrýǵa quqyǵy bar. Sosyn BJZQ-da zeınetaqy qorynan bólek, "menshikti qor" degen bar. Ony ákimshilik shyǵyndardy jabý maqsatynda qurǵan. Ony TÚSİNEMİZ. Biraq ol qor qalaı qurylǵany, qalaı ósip jatqany, aktıvter paketi jaıly surasań, Ulttyq Bankqa silteıdi. Ótken jyly dál osy sharada Ulttyq Bank ókilinen de suraǵan bolatynmyn. Ol menshikti qorǵa qarjy retteýishiniń qatysy joq ekenin aıtqan.
Dóńgelek ústelde Qordyń atqarýshy dırektory Murat Sháripov bastaǵan BJZQ mamandary otyrdy. Sháripov myrza birden túsinistik tanytty. Al qalǵan mamandar, ásirese, baspasóz qyzmetiniń jetekshisi "İnishek" dep sózimdi aıaqtatpaı qoıdy. Resmı jıynda otyrsaq ta, Sózdi bólip, oıdy sońyna deıin tyńdamaıtyn túrdegi "etıkadan" tys prınsıptermen SURAQ/SURAQ (sebebi jaýaptar bolǵan joq) ótkizdik.
Sodan meniń túsingenim, olarǵa qor týraly tek "pozıtıvti" aqparatty taratýshy jýrnalıser kerek. Al olardyń repertýarynda joq suraqtardy baǵyttasaq, bizdi jaý kóre bastaıdy. Jýrnalıser "opozısıa" emes, ózara baılanysty qamtamasyz etetin sektor qyzmetkerleri!
Rasynda, jýrnalıser memlekettik sektor men qarapaıym azamattar arasyndaǵy medıator qyzmetin atqarady. Azamattar bilýge tıis aqparatty berýge mindettimiz. Synı kózqarastaǵy maqala jazǵanda "BJZQ qyzmetkerleriniń basyn jerge qaratýdy" basty maqsat etpeımiz. Olar da "adam". Qatelesedi. Biraq sol qateliktermen birge jumys istesek, máseleni tezirek sheshýge bolady ǵoı. JOQ.
"PASAN" dep, oıymdy tyńdaýdy da jón kórmedi. Óńsheń KSRO kezinen qalǵan BÚROKRATTAR otyryp alǵan. Halyqtyń synyn olar kerisinshe "feedback" retinde paıdalansa, ózderine tıimdi bolaryn, ortaq komýnıkasıa kanalyn quratynyn bilmeı otyr.
Qazirgi qoǵamda memlekettik sektor qyzmetine qatysty jastardyń "skeptıkalyq" kózqarasy bar. Bolýy da kerek! Bılik basyndaǵy adamdar halyqty bıleý úshin emes, olarǵa qyzmet kórsetý úshin saılanǵan nemese taǵaıyndalǵan. Tek synı kózqaraspen olardyń barynsha durys baǵytta jumys isteýlerine septigimizdi tıgize alamyz!
Joldas Órisbaev
