Almaty qalalyq ishki ister departamenti 16 shilde kúni saǵat 09.10-da shyǵys aınalym joldaǵy jol apatyn kórgen kýágerlerdi izdep jatyr, dep habarlaıdy Qamshy.kz aqparat agenttigi Almaty qalalyq ishki ister departamentiniń baspasóz qyzmetine silteme jasap.

Jol apaty nátıjesinde 5 jasar bala aýyr jaraqat alyp jan saqtaý bóliminde jatyr. Qaqqan adam balany aǵashtyń túbine tastap ketken.

«Almaty qalalyq ishki ister departamenti 16 shilde 2018 jyly Almaty qalasynda bolǵan jol apaty kýágerlerin izdeıdi. Jol apaty nátıjesinde 2014 jylǵy bala aýyr jaraqat aldy. Atalmysh jaǵdaıdyń kýási bolǵandar dereý +7 701 888 4882, 254-40-09, 254-40-42 jáne 102 nómerlerine habarlasýlaryńyzdy suraımyz» delingen habarlamada.

Dárigerlerdiń aıtýynsha, Dinmuhammedtiń jaǵdaıy aýyr. Keshe úshinshi deńgeıli komada bolsa, qazir ekinshi deńgeıli komada. Balanyń bas súıeginiń jarty bóligi ishke qaraı kirip ketken.

Buǵan deıin depýtat Qaırat Qudaıbergen 5 jasar Dinmuhammedtiń jaǵdaıyn bilý úshin aýrýhanaǵa barǵanyn jazǵan. Onyń aıtýynsha, Dinmuhammedtiń mıy ise bastaǵan.