Tanymal prodúser ári akter Nurtas Adambaı ómirden ótken otandyq akter Baýyrjan Oralbekovttiń ómirinen estelik vıdeo jarıalady, dep jazady Qamshy.kz aqparat agenttigi.

Birqatar otandyq fılmderde boı kórsetken Baýyrjan Oralbekov 17 shildeden 18 shildege qaraǵan túni qaıtys bolǵan edi. Qaıǵyly habardy jetkizgen áriptes dosy Nurtas Adambaı jelidegi paraqshasy arqyly marqumnyń otbasyna kóńil aıtqan bolatyn.

«Janymdy aıtpaı uǵar aǵam ári janashyrym ómirden ozdy. Bul qalaı bolǵany? Aldaǵy ýaqytta demalysymda ózińe baryp, kezdesemin dep otyryp, búgin senimen máńgi qoshtasqaly otyrmyn.

Sońǵy kezdesýde «baqyttysyń ba?» dep surǵanymda «baqyttymyn» dep jaýap berip ediń.

Seni tanıtyndardyń bári aqkóńil ekenińdi jaqsy biledi. Otbasyńa kóńil aıtamyn»,- dep jazǵan edi Adambaı.

Baýyrjan Oralbekov tirisinde otandyq birneshe fılmge tústi. Onyń ishinde ataqty "Sábına kelin" ("Kelınka Sabına") kınokomedıasynda bas qudanyń rólinde oınap, kórermenniń júregine jol tapty. Ári akter halyqqa KVN arqyly tanys.