Búgin Almaty qalasynyń qoǵamdyq keńesi turǵyndar qaýipsizdigin qamtamasyz etý máselesin qarady, dep habarlaıdy Qamshy.kz aqparat agenttigi. Qoǵamdyq keńes qorytyndysy týraly saıasattanýshy Aıdos Sarym "Jańa ǵana Almaty qalasynyń qoǵamdyq keńesi óz jumysyn tamamdady.
Biraz naqty usynystar jasaldy.
Jıyn sońynda bir aýyzdan mınıstr Qasymov, orynbasarlarymen jáne qalalyq ishki ister basqarmasy basshylyǵynyń otstavkasyn talap ettik", - dep jazdy áleýmettik jelide. 

Al, keńes otyrysy týraly  "Bas prokýror Qaırat Qojamjarovqa, UQK tóraǵas Kárim Másimovke, Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaevqa jáne İİM basshysy Qalmuhanbet Qasymovqa hat daıyndap qoıdyq, Qyzmettik sáıkestigi jaıly máseleni jáne İİM basshysy men qalalyq İİD basshylyǵyn otstavkaǵa jiberý máselesin kóterip jatyrmyz. Mundaı sheshimder qabyldamasaq, adamdar úırenip alady. Basshylyqty jańartý qajet", - dep málimdedi Qoǵamdyq keńes múshesi, qalalyq Máslıhat depýtaty Rahman Alshanov otyrys barysynda.

Aıta ketsek, 19 shildede pyshaq jaraqatynan kóz jumǵan Denıs Ten jaǵdaıynan keıin áleýmettik jelide Qamluhanbet Qasymovtyń otstavkasyn talap etýshiler sany artty. Sondaı-aq, urlyq, tonaý faktileri boıynsha túrli jaǵdaılardyń betin ashqan posttar kóbeıdi. Kóp jaǵdaıda qylmysqa polıseıler nemquraıly qarap, salǵyrttyq tanytqan.