Astanada salynyp jatqan kotejdiń ekinshi qabatynyń edeni birneshe adamnyń ústine qulady, - dep habarlaıdy  Qamshy.kz aqparat agenttigi Tengrinews.kz saıtynyń deregin negizge alyp. 

"1 tamyzda saǵat 19.55-te Balqantaý 171 kóshesinde salynyp jatqan eki qabatty kotejdiń anyqtalmaǵan jaǵdaıda birinshi jáne ekinshi qabat aralyǵyndaǵy eden qulady. Saldarynan 1970 jáne 1983 jylǵy jumysshylar úıindi astynda qaldy. Olar aýrýhanaǵa jetkizildi. Qazir ólim aýzynda turǵan taǵy bir jumysshyny úıindiden shyǵarý jumysy júrip jatyr", - dep habarlady TJK baspasóz qyzmetindegiler. 

Tótenshe jaǵdaılar jónindegi komıtettiń Ortalyq aımaqtyq aeromobıldi jedel-qutqarý qyzmetiniń qutqarýshylary jumys istep jatyr dep habarlandy. Sondaı-aq, onda Tótenshe jaǵdaılar jónindegi komıtet janyndaǵy Apat medısına ortalyǵynyń dárigerleri bar. Keıin qutqarýshylar úshinshi jumysshyny úıindi astynan shyǵaryp alǵanyn habarlady. Ol tiri jáne aýrýhanaǵa jetkizildi.