«Aqkent» turǵyn úı kesheni janynda aǵashtyń túbinen aýyr hálde tabylǵan 4 jastaǵy Muhammed Askaroǵly esimdi balany óz ákesi basynan taspen uryp, aǵashtyń túbine tastap ketkeni týraly aqparatty estigen Murat Asqaroǵlynyń týystary men kórshileri narazylyq bildirdi. Olar tergeý jumystarynyń qorytyndysyna senbeıtinin jetkizdi, dep habarlaıdy tengrinews.kz.

Almaty qalalyq İİD-niń baspasóz hatshysy Saltanat Ázirbek narazylyq aksıasy ótken jerge İİD baryp, mán-jaıdy túsindirgennen keıin barlyǵy beıbit túrde tarqasqanyn aıtady. Eshqandaı tártip buzýshylyq bolmaǵan.

Almaty qalalyq İD-niń málimetine sáıkes, 4 jastaǵy Muhammed jatqan tósenish bala tabylǵan aımaqta turatyn áıelge tıesili. Adamdar Muhammedti kórgende áıel úıinen tósenishti alyp kelgen.

Esterińizge sala keteıik, kólik qaǵyp ketti degen balany ákesi taspen uryp jaraqattaǵany anyqtalǵan. Muhammedtiń ákesi kináni moıyndady.