Búgin Astananyń 20-jyldyǵyn toılaý aıasynda «Astana: beıbitshilik pen kelisim ortalyǵy» Halyqaralyq Konferensıasynyń ashýlýy ótti. İs-sharanyń uıymdastyrýshylary – Qazaqstandyq Ulttyq IýNESKO Klýbtarynyń Federasıasy jáne QR Tuńǵysh Prezıdenti – Elbasy Qory.
⠀
Konferensıa 2-3 shilde kúnderi eki kún qatarynan ótedi. Onyń jumysyna 200-ge jýyq halyqaralyq jáne ulttyq ekspertter, memlekettik organdardyń, Azıa-Tynyq muhıty aımaǵyndaǵy IýNESKO Klýbtyq qozǵalysynyń, IýNESKO jáne basqa da halyqaralyquıymdardyń ókilderi at salysady.
Uıymdastyrýshylardyń aıtýynsha, konferensıanyń basty maqsaty – mamandar men azamattyq qoǵam ókilderiniń arasynda eki tarapqa da paıdaly aqparat almasý jáne atalmysh taqyryptarǵa qatysty eń úzdik tájirıbelermen tanysýǵa arnalǵan dıalog alańyn jasaý bolǵan.
⠀
«Biz bul Konferensıa qarapaıym halyq, halyqaralyq uıymdar, memlekettik qurylymdar men IýNESKO Klýbtary arasyndaǵyhalyqaralyq kelisim men mádenıet aralyq dıalogty ornatatyn kópirge jáne ony órbitetin orynǵa aınalady dep úmittenemiz. Qazaqstannyń Tuńǵysh Prezıdenti – Elbasy Qorynyń qyzmeti men maqsaty qoǵamdyq mańyzy bar áleýmettik, ǵylym, IT men ónerge baǵyttalǵan jobalardy, jáne de saıasat, ekonomıka, halyqaralyq qatynastarǵa baılanysty dıalog platformalaryn damytýǵa degen baǵytyn eskersek, IýNESKO sekildi úlken halyqaralyq uıymmen birigip jumys jasaý bizdiń maqsattarymyzdy iske asyrýdaǵy úlken qadam. Atalmysh is-sharanyń ótýi IýNESKO-ǵa múshe memleketterdi mádenıetterdi jaqyndastyrý men óz elderindegi beıbitshilikti ornatýǵa jumsalatyn kúshterdi biriktirýge shaqyrýdyń bir belgisi bolady» - dedi konferensıa uıymdastyrýshysy – QR Tuńǵysh Prezıdenti – Elbasy Qorynyń halyqaralyq bóliminiń basshysy – Álkeı Marǵulanuly.
⠀
Konferensıanyń negizgi mindetteri – mádenıetaralyq dıalogty qoldaýdaǵy eń úzdik tájirıbelerdi anyqtaý, turaqty damý jáne bıik ókilderi, jastar jáne halyqaralyq uıymdardyń ekspertteri arasyndaǵy túsinýshilikti damytýǵa arnalǵan platforma jasaý jáne Astana qalasynyń damýy úlgisinde halyqaralyq qatysýshylarǵa Rýhanı Jańǵyrý baǵdarlamasyn tanystyrý.
Konferensıa jumysynyń nátıjesinde usynystar jasalyp, Qazaqstannyń halyqaralyq sahnadaǵy beıbitshilik pen kelisim ortalyǵy retindegi rólin rastaý, Turaqty Damý maqsattaryna jetý úshin IýNESKO Klýbtarynyń damý baǵyttaryn anyqtaý, sonymen qatar Qazaqstan men Azıa-Tynyq muhıty aımaǵy jastarynyń kóshbasshylyq qasıetterin damytý kútiledi.
Sonymen qatar Konferensıa qatysýshylaryna jáne elorda qonaqtaryna arnalyp qazaq halqynyń mádenıeti men Astananyń kórikti jerlerimen tanysýǵa arnalǵan tolyqqandy mádenı baǵdarlama uıymdastyryldy. Konferensıanyń ekinshi kúni – 3 shilde kúni QR Tuńǵysh Prezıdenti – Elbasy Qorymen birge uıymdastyrylǵan IýNESKO qaramaǵyndaǵy «The Planet of ART» halyqaralyq Festıvaliniń saltanatty jabylý keshi ótedi.
Atalmysh alańdy uıymdastyrý bastamasyn QR Syrtqy ister Mınıstrligi, QR mádenıet jáne sport Mınıstrligi, IýNESKO jáne ISESKO isteri jónindegi QR Ulttyq Komısıasy, Qazaq ǵylymı-zertteý mádenıet ınstıtýty jáne halyqaralyq uıymdar jáne bıznes qoǵam qatarynan basqa da seriktester qoldady.
