Aǵymdaǵy jyldyń İ-jartyjyldyǵynda kapıtalǵa salynǵan ınvestısıalar kólemi 851 mln dollar.
Bul týraly Almaty qalasy Óńirlik komýnıkasıalar qyzmetiniń alańynda ótken brıfıńte «KAZAKH INVEST» Ulttyq kompanıasy AQ-nyń Almaty qalasy boıynsha fılıalynyń dırektory Orazalıev Jandos Baqbergenuly aıtty.
Onyń aıtýynsha,Almaty – Qazaqstannyń iri qalasy qalasy jáne ekonomıkalyq ortalyǵy, ınvestısıalyq tartymdy qalalardyń kósh basshysy. 2018 jyldyń qańtar-maýsym aılarynda respýblıkalyq deńgeıde (20.3%), bul basqa aımaqtarmen salystyrǵanda eń joǵarǵy kórsetkish, kóterme saýdanyń jartysyn (48%), bólshektep satýdyń tórtten bir bóliginen joǵarǵysyn (30%) qamtamasyz etti.
Qazaqstan Álemdik banktyń Doing Business reıtıńisi boıynsha 36-shy oryndy ıelenip tur. Bul rette, atalmysh reıtıńti shyǵararda Almaty qalasynyń kórsetkishteri esepke alynǵanyn aıta ketý qajet.
Ústimizdegi jyldyń qańtar men maýsym aralyǵynda negizgi kapıtalǵa salynǵan ınvestısıalar kólemi 851 mln. AQSH doll. qurady, bul ótken jyldyń qańtar-maýsym aralyǵyndaǵy kórsetkishterge qaraǵanda 22,7% ósim kórsetti.
Atap ótkenimdeı, KAZAKH INVEST basty fýnksıalarynyń biri ınvestısıalyq jobalardy qoldaý bolyp tabylady, negizinen shetel kapıtaly bar jobalar. Osy baǵytta KAZAKH INVEST Almaty qalasyndaǵy ókildigimen shetel kapıtaly bar, ınvestısıalar kólemi 414,8 mln. AQSH doll. quraıtyn 11 ınvestısıalyq jobaǵa qoldaý jýmystary atqarylyp jatyr. Atalmysh jobalardyń sátti júzege asýy qalamyzda 3 000 joǵary jumys oryndarynyń ashylýyn qamtamasyz etedi. Bul jobalar negizinen óńdeý ónerkásibi men saýda salalarynda. Ústimizdegi jyly jospar boıynsha ınvestısıalar kólemi 252 mln. AQSH doll. quraıtyn 7 jobany iske qosý kózdelýde. Mysaly, qytaılyq iri kompanıa CNPC-diń úlken dıametrli dánekerlengen trýbalardy óńdeıtin Asia Steel Pipe Corporation zaýytyn, reseıdiń Estralın kompanıasynyń kabeldik ótkizgishter óńdeıtin KMK Investment zaýytyn, nemis kapıtaly bar elektrli avtobýstardy qurastyrý zaýytyn iske qosý josparlanýda. Qazigi tańda japondyq Tokyo Rope kompanıasynyń sommasy 10 mln. AQSH doll. quraıtyn ınjenerlik júıelerdi qorǵaıtyn ónim shyǵaratyn ónerkásibi iske qosylyp, sommasy 32 mln. AQSH doll. quraıtyn fransýz brendi Lerýa Merlen qurylys materıaldar gıpermarketi ashyldy. Eger atalmysh ónerkásip japondyq Tokyo Rope kompanıasynyń 2-shi jobasy bolsa, fransýzdyq brend Lerýa Merlen de qosymsha taǵy 2 jobany júzege asyrýǵa nıet bildirdi. Jobalar pysyqtalýda.
Sondaı-aq, sommasy 73 mln. AQSH doll. quraıtyn 5 joba baıynsha jumystar atqarylýda. Bul jobalar: fransýzdyq brend Decathlon sporttyq taýarlar gıpermarketi, joǵary tehnologıalyq kir jýý Cotton Way kombınaty, jańa Nobel AFF farmasevtıkalyq ónerkásibi, munaı sortamentiniń qubyrlyq ónimderin shyǵaratyn Asia Steel Pipe Corporation kompanıasynyń 2-shi zaýyty-dep sózin aıaqtady J.Orazalıev.
