Shoqan esimdi bala Shymkentte dúnıege kelgen. Qazir onyń Merhıor degen ekinshi esimi bar. Ol Fransıa astanasy Parıjde turady. Shymkenttegi mamandandyrylǵan bóbekter úıine 11 jyldan keıin kelip otyr.

Shoqannyń anasynyń aıtýynsha, Shoqan etti jaqsy kóredi. Aırandy da súısinip ishiedi eken. Alaıda Fransıada bul ónimdi tabý qıyn kórinedi.

Shoqandy asyrap alǵan anasy onyń esimin ózgertpeı, ekinshi at bergen. Onyń shyqqan tegin, týǵan jeri týraly da aıtqan. Shoqan tarıhı otanyn kórgisi kelgendigin aıtqanda, anasy qarsylyq bildirmegen.

Olar Astanada bolǵan. Qazir Shymkentte. Kelesi aıaldama – Túrkistan ekenin aıtady.

Shoqannyń anasynyń aıtýynsha, Fransıada asyrandy qazaq balalar kóp. Olar birigip qazaq tilin úırenip júr. Bastapqy kezde qazaq tili muǵalimin tabý qıynǵa soqqan. Qazir balalardy Fransıada bilim alyp jatqan qazaqstandyq stýdent oqytyp jatyr.