Memleket basshysy zamanaýı dybys kúsheıtkish jáne jaryq tehnıkasymen, sondaı-aq LED ekranmen jabdyqtalǵan, bir mezgilde 1000 ártis óner kórsetetin, kópfýnksıaly sahnasynyń eni 70 metr bolatyn ashyq aspan astyndaǵy amfıteatrdi kórdi.

Nursultan Nazarbaev óner adamdarymen áńgimelesý barysynda Aqtaý qalasynyń jáne Mańǵystaý óńiriniń qarqyndy damyp kele jatqanyn erekshe atap ótti.

– Qurmetti mańǵystaýlyqtar, sizder álemdik tarıhqa enetin aıtýly oqıǵaǵa kýá bolǵaly tursyzdar. Erteń alǵash ret bes memlekettiń basshylary Kaspıı teńiziniń quqyqtyq mártebesin aıqyndaıtyn qujatqa qol qoıady. Oblysta týrızm damyp keledi, teńiz porttary men áleýmettik nysandar salynýda. Osynyń bári sizder úshin, balalaryńyz ben sizderdiń bolashaqtaryńyz úshin jasalýda, – dedi Qazaqstan Prezıdenti.

Aqtaý qalasyndaǵy teńiz jaǵalaýynda rotondalar, baqylaý munaralary, balalarǵa arnalǵan jáne sportpen shuǵyldanatyn alańdar, demalýshylar úshin shatyrlar men oryndyqtar ornatylǵan. Búkil jaǵalaý boıyna shaǵyn 16 sáýlet nysany qoıylǵan.