Qazaqstan Respýblıkasynyń Densaýlyq saqtaý mınıstrligi aǵymdaǵy jyldyń sońyna deıin barlyq qajetti qujattardy elektrondyq formatqa kóshirýdi josparlap otyr.

Bıylǵy jyldyń sońyna deıin qazaqstandyqtar Densaýlyq saqtaý mınıstrligine qatysty qyzmetterdi elektrondyq úkimet portaly nemese HQKO-tary arqyly ala alady.

QR Densaýlyq saqtaý vıse-mınıstri Oljas Ábishev pen basqa da vıse-mınıstrler men iri IT-kompanıalardyń ókilderi qatysqan «Digital Arena» ótti. Forým sheńberinde Densaýlyq saqtaý mınıstrliginiń medısına salasyn sıfrlyq tehnologıalarǵa kóshirý, sonyń ishinde qyzmet alýshylarǵa qajetti qujattardy berý tolyqtaı elektrondy formatqa aýysatyny týraly málimdendi.

«Bizdiń elektrondyq formatqa kóshýdegi basty maqsat sybaılas jemqorlyq máselelerin azaıtý. Ol úshin memlekettik organdardyń qyzmetkerleri men azamattardyń arasynda tikeleı baılanysty úzip, qyzmetterdiń barlyq túrin elektrondyq formatqa kóshirýdemiz. Iaǵnı, barlyq qyzmetterdi elektrondy úkimet arqyly (elektrondyq lısenzıalaý portaly) nemese HQKO arqyly azamattardyń memlekettik mekemelermen baılanysyn barynsha azaıtý maqsatynda jyldyń sońyna deıin túgeldeı qyzmetterdi elektrondyq formatqa aýdarýdy josparlap otyrmyz», – dedi Oljas Ábishev.

Ol farmasevtıkalyq qyzmetke lısenzıa alý, psıhodıspanser jáne narkologıalyq dıspanserlerden anyqtama alý, sondaı-aq 088 jáne 086 nysandaryndaǵy anyqtamalardy alý sıaqty qyzmetterdi atap ótti.

«Azamattardyń jumysqa ornalasý barysynda bul anyqtamalardyń barlyǵy elektrondy formatta bolady, sol sebepti mundaı qujattar jalǵan jasalynbaıdy, sebebi bul qujat densaýlyq saqtaý júıesinde zańdastyrylǵan», – dep túsindirdi vıse-mınıstr.

Aǵymdaǵy jyldyń jeltoqsan aıyna deıin jumys barysyn atalǵan formatqa kóshirý mınıstrlik tarapynan kózdelip otyr.

Sondaı-aq, vıse-mınıstrdiń aıtýynsha, qazirgi ýaqytta osy jobany qarjylandyrýdyń úsh túri bar: aqparattandyrýdyń qyzmet kórsetý modeli, MJÁ úshin jeke qarjylyq bastamalar, jáne de memlekettik organdardyń jáne vedimistik baǵynyshty uıymdardyń qarajatynan qarjylandyrý.

«Zerde» holdıńiniń úkimettik deńgeıde bekitilgen aqparattandyrýdyń servıstik úlgisi boıynsha memlekettik organ aldymen «Zerdege» ótinim jiberedi. Odan ári kerekti qyzmetterdi alý úshin baıqaý jarıalanyp, kompanıalardy jınaý, qarajattandyrý «Zerde» arqyly júzege asyrylady»,  – dedi ol.

Memlekettik-jekemenshiktik seriktestikten qarjylandyrýǵa keletin bolsaq, kompanıalardyń ózderi osy bastamany qoldanady.

«Kompanıa kelip, bul jobany júzege asyrýǵa daıyn ekendigin aıtady: «mine, joba, bıznes-jospar, qarjy modeli». Eger úkimettik agenttik bul qarjy úlgisimen kelisetin bolsa, biz «Memlekettik-jekeshelik áriptestik týraly» Zańdy qarastyryp kelissózder júrgize bastaımyz», – dedi vıse-mınıstr.

 «Úshinshiden, memlekettik organdardyń nemese baǵynyshty uıymdardardyń qyzmetterin júzege asyratyn jınaqtary bar, olar ózderiniń qyzmetin júzege asyrady jáne olardyń taza paıdasynyń bir bóligi retinde biz kishigirim jobalardy tikeleı qarjylandyrýdy qarastyra alamyz» – dep atap O. Ábishev.