Uıymdasqan qylmystyq toppen kúres basqarmasy Almaty qalalyq İİD qyzmetkerleri otandyq aqparat agenttikteriniń birinde "16 jastaǵy Pavlodar turǵyny quldyqta" degen aqparat jarıalanǵannan keıin, aqparattyń  ras, ótirigin ótirigin anyqtaý úshin tekserý jumystaryn júrgizdi. Bul jaǵdaı sotqa deıingi tekserý reestirinde QR QK 126 baby boıynsha tirkeldi, dep habarlaıdy Qamshy.kz aqparat agenttigi Almaty qalalyq İİD baspasóz qyzmetine silteme jasap.

Uıymdasqan qylmystyq topqa qarsy kúres basqarmasy Almaty qalalyq İİD pavlodarlyq áriptesterine tergeý jumystaryn júrgizýdi tapsyrdy. Tekserý jumystary nátıjesinde baladan túsinikteme alyndy.  Onyń aıtýynsha, ol úıden qashyp ketip Almatyǵa jumys isteý úshin kelgen. Bir jarym aı boıy jigit kúnine 3-4 saǵat jumys istegen. Osy ýaqyt aralyǵynda qonaq úıde turǵan.

Jigit  eshkim ony kúshtep ustamaǵanyn aıtty. Fızıkalyq jáne moraldyq qysym kórmegen.

«Aqparat jalǵan bolǵandyqtan, tergeý jumystary toqtatylady. Alaıda QR QK 274 babynyń 2 bóligi boıynsha shyndyqqa janaspaıtyn aqparat taratylǵany úshin sotqa deıingi tekserý jumystary bastalady. Atalmysh qylmys úshin bes aılyq eseptik kórsetkish kóleminde aıyppul salý, dál osy sommaǵa jumysqa tartý nemese úsh jyldan bes jylǵa deıin bas bostandyǵynan aıyrý jazasy qarastyrylǵan» deıdi Almaty qalalyq İİD ókili.