Reseı boks federasıasynyń bas hatshysy Omar Kremlev Gennadıı Golovkın men Saýl "Kanelo" Alvares arasyndaǵy úshinshi jekpe-jekti elde ótkizý týraly josparymen bólisti dep jazady Qamshy.kz aqparat agenttigi vesti.kz saıtynyń deregin negizge alyp. 

Aldyńǵy eki jekpe-jek Amerıkanda Las-Vegastaǵy T-Mobile arenasynda ótkeni belgili. 2017 jyly qyrkúıektegi birinshi jekpe-jekte teń nátıje boldy, al bir jyldan keıin Alvares jeńiske jetti, osylaısha Golovkın karerasyndaǵy alǵashqy jeńiliske ushyryp, WBC, WBA (Sýper) jáne IBO versıasy boıynsha ortasha salmaqtaǵy álem chempıony tıtýlynan aıyryldy.

 — Gennadııge revansh ótkizýge keńes berer edim. Sońyna deıin kúresý kerek. Úshinshi rette Golovkın ony jeńýi múmkin dep oılaımyn. Gennadııge "Kanelomen" úshinshi jekpe-jekti Reseıde ótkizý týraly usynys aıtqaly júrmin. Kelesi jyly boks forýmy ótedi. Sońǵy kúni Golovkınniń jekpe-jegin josparǵa engizgimiz keledi. Oılanyp, talqylap kóremiz, múmkin kelisetin shyǵarmyz. Forým maýsymda bolady. Keıinirek barlyq málimetti bólek jarıalaımyz. Ázirshe tipti ótetin aımaqty tańdaǵanymyz joq. Taıaýdaǵy konferensıada jarıalaımyz dep oılaımyn, - deıdi Kremlev. 

Eske salaıyq, Golovkın aqpanda Sochıde ótken birinshi halyqaralyq boks forýmynyń kelbeti bolǵan. Qazaqstandyq karerasynda segiz elde jekpe-jek ótkizgen, biraq Reseıde rıngke shyqpaǵan.

Munyń aldynda Golovkın men Alvares úshinshi jekpe-jek ótkizýge daıyn ekendigin málimdedi. Ol 2019 jyly bolýy múmkin.