Amerıkalyq prokýrorlar Nú-Iorkte terrorlyq shabýyl jasady dep aıyptalǵan 30 jastaǵy Ózbekstan azamaty Saıfýllo Saıpovty ólim jazasyna kesýdi surady dep habarlaıdy Qamshy.kz aqparat agenttigi sheteldik BAQ-tyń deregin negizge alyp.
Aıyptaýshylar eger Saıpovtyń kinási tolyǵymen dáleldense, ólim jazasy ádil úkim bolady dep esepteıdi.
Eske salsaq, 2017 jyly qazan aıynda Saıfýllo Saıpov velosıped júretin jolda bir top adamdy jalǵa alǵan júk kóligimen qaǵyp ótken. Segiz adam qaza taýyp, 12 adam zardap shekti. Polısıa bul oqıǵany terakt dep atady.
Saıpovti ustaǵan kezde, odan "Shabýyldy "Islam memleketi" terrorlyq uıymynyń atynan jasadym" degen hat tabylǵan. Bul uıym terrorlyq áreketti biz jasadyq dep moıyndaryna alǵan.
AQSH prezıdenti Donald Tramp ta Saıfýllo Saıpovty ólim jazasyna kesýdi talap etken.
Saıpov AQSH-qa 2010 jyly grın-kartasyn utyp alyp barǵan. Bul elde onyń úsh balasy men áıeli turyp jatyr.
