Byltyr Astanaǵa túrli óńirlerden 80 myń adam qonys aýdarǵan. 80 myń adamnyń 17 myńy balalar eken. Mundaı jaǵdaı áleýmettik júıege, sonymen qatar, mektepke júkteme túsirip otyr. Osy problemany sheshý jolynda Astana qalasynda jylda shamamen 15 orta bilim ordasy salynýy tıis, dep habarlaıdy Qamshy.kz aqparat agenttigi. 

Atalǵan qıyndyqty 2015-2017 jyldarǵa arnalǵan «Nurly jol» baǵdarlamasynyń «Áleýmettik ınfraqurylymdy damytý» baǵytyn iske asyrý boıynsha memleket búdjetinen jáne Ulttyq qordan bólingen qarajatty maqsatty ıgerýge arnalǵan «Nur Otan» fraksıasynyń janyndaǵy jıynda talqylandy.

Bilim jáne ǵylym vıse-mınıstri Bıbigúl Asylovanyń málimetinshe, oqýshylardyń úsh aýysymdy mektepterde oqyp jatqany ol demografıalyq jáne kóshi-qon máselesine baılanysty bolyp otyr.

«Qazaqstandaǵy halyq sanynyń ósimi jylda 230 myń adamǵa kóbeıip otyr. Jekelep aıtar bolsaq, Elordamyz Astana, ońtústik Astana Almaty, Shymkent pen Almaty oblysy  men Túrkistan oblysynda tabıǵı jáne kóshi-qon máselesine baılanysty jylda turǵyndardyń  sany 40-50 myń. Sondyqtan, qoǵamdyq ınfraqurylym osy is-sharalarǵa úlgermeı jatyr. Sebebi, Qazaqstanda jylda el búdjetiniń esebinen 10 mektep salynýy tıis. Al Astanada 15 mektep salyný kerek», - deıdi Bilim jáne ǵylym vıse-mınıstri Bıbigúl Asylova.

Bul rette Bıbigúl Asylova ınvestorlardy mektep qurylysyna yntalandyrý qajet ekenin aıtady.

Qazaqstan Respýblıkasynyń úsh jyldyq búdjeti mektepterdiń qurylysy men stýdenttik jataqhana qurylysyna bólinedi.

«Qazirgi tańda Qazaqstannyń barlyq óńirlerinde mektep salýǵa nıetti kásipkerler bar. Osy maqsatta jumys istep jatyr», dedi Bıbigúl Asylova.