«Jiger» sport klýbynyń tárbıelenýshisi Sıazbek Dalıev Para Azıa oıyndarynda 50 metr qashyqtyqqa baterfláı júzýde chempıon atanyp, rekord ornatty, dep habarlaıdy Qamshy.kz aqparat agenttigi mádenıet jáne sport basqarmasyna silteme jasap.
Tirek-qımyl apparaty buzylǵan sportshylar arasynda elordalyq sportshy úzdik nátıje kórsetti - 00.37.40.
Aıta keteıik, bul Sıazbek Dalıevtiń Qazaqstannyń qorjynyna salǵan ekinshi júldesi. 8 qazanda sportshy 50 metrlik qashyqtyqqa arqamen júzýde qola júlde alǵan bolatyn.
Jalpy, Para Azıa oıyndaryna «Jiger» sport klýbynyń 9 ókili 4 sport túrinen jarysqa túsýde.
