Búgin Almatyda «Tulpar minip, tý alǵan» ulttyq baıqaýynyń qorytyndy kezeńi ótti. Fınalǵa myqty degen 8 aýdannyń 24 oqýshysy ótken. Bul kúni olar «Alpamys batyr» jyryn jatqa aıtýdan jarysty.

Baıqaýdyń sharty boıynsha oqýshylar eposty kez kelgen jerinen toqtatyp, bir-birin ilip áketýi kerek. Sondaı-aq, qazylar alqasy qatysýshynyń oqıtyn synybyna qaraı suraqtar qoıdy.

Eske sala keteıik, jyr dodasynyń júlde qory 3 mıllıon teńgeni quraıdy. Jeńiske jetken jeńimpazdardy saltanatty marapattaý 2 qazan kúni «Alataý» dástúrli óner teatrynda ótedi.  

«Biz 6 balaǵa júlde taratamyz. Jeńimpazdarǵa 3 yntalandyrý syılyǵy, 3 negizgi syılyq beriledi. Balalar arasyndaǵy jeńis birinshi, ekinshi jáne úshinshi oryndarmen bólinedi. Al jeńimpazdy anyqtaý ýaqyty qansha ýaqytqa sozylsa, soǵan deıin kedergisiz júrgizile beredi. Óıtkeni, balaǵa qıanat jasaýǵa bolmaıdy. Qazylar alqasy myna balalar myqty eken dep usynyp jatsa, biz sol 6 bala ózderiniń myqty ekenin dáleldegen jaǵdaıda ǵana baıqaýdy toqtatatyn bolamyz», – dedi aqyn, ulttyq joba jetekshisi Serik Seıitman.