–Jankúıerler meniń rıngke tóbeleske shyqqanymdy ǵana kóredi. Ómirimniń basqa jaǵynan kóp habarsyz. Osy ýaqytqa deıin maǵan qanshama ret operasıa  jasaldy. Aıaǵyma, qolyma, arqama, qabyrǵama... Osydan bir –eki jyl buryn «salmaq qýamyn» dep ólim aýzynan qaldym. Sporttyń joly óte aýyr. Sen sport jolynda jankeshti ter tógesiń, biraq bir sátte múgedek bolyp qalýyń múmkin.

♦Habıb Nurmaǵamedov UFC-ge: Menen aıyryldym dep oılaı berińder

Balam da bolashaqta sportpen aınalysatyn bolady. Biraq tek qana olımpıadalyq sport túrimen:  dzúdo, boks, kúrespen ǵana.  Aqıqatyn aıtsam, ol meniń jolymdy qaıtalaǵanyn qalamaımyn. Bizge myqty, qaısar jigitter kerek. Otanymyzdy, otbasymyzdy qorǵaý úshin. Al myqty bolǵan saıyn seni kóre almaıtyndar da kóbeıedi.

Sońǵy 15 jylda meniń kózim kógergen joq. Qatty soqqy alǵan da joqpyn. Mıym ornynda, demek baǵytym, oıym, oılaý qabiletim de  durys.

Aıqastan keıin ákem maǵan «ózińdi endi durys usta», –dedi. Onymen tolyq kelisemin. Men tóbelesip jatqan kezde ol qatty tolqyǵan sıaqty. Keıinnen «júıkeńiz syr berdi me?» dep suradym. Ol «eger seniń balań aıqas alańyna shyqsa, sonda ǵana meniń jaıymdy túsinesiń» dep jaýap berdi.

♦Habıb Nurmaǵamedov qatty qorqatyn ákesi jaıly ne bilemiz?

Árıne, Reseıde men sekildi qaısar jigitter óte kóp. Ókinishke qaraı, olarda ákem sıaqty myqty bapker joq. Bul jaǵynan meniń jolym boldy.

Biz búgin ómir súrip jatsaq, erteń ólip ketýimiz de bek múmkin. Iá, ólemiz. Biraq jeńis te, jeńilis te, aqsha men belbeý de bári umytylady. Tek elińe, otanyńa, halqyńa jasaǵan qaıyrymdy isteriń ǵana qalady.

Maǵan arandatatyn saýaldardy ádeıi qoıady. Olarǵa aıtarym bireý ǵana: men Daǵystannyń ulymyn, Kalıfornıada turamyn. Biraq tólqujatym – Reseıdiki.

♦Habıb Nurmaǵamedovty daǵystandyqtar qalaı qarsy aldy? (vıdeo)

Bir otbasynda 16 bala ómir súrdik. Úıdegi tártip óte qatal boldy. Biraq óte uıymshyl bolyp óstik. Árqaısysymyz arnaıy keste boıynsha jumys istedik. Birimiz kir jýdyq, ekinshimiz aýla  sypyrdyq. Mektep bitirgenshe osylaı ósip, tárbıelendik.

Bizdiń otbasymyzdan 5 álem chempıony, bir UFC chempıony shyqty, al ákem – Reseıdiń eńbek sińirgen jattyqtyrýshysy.

Bári de  ákem jaıly jıi suraıdy. Al men anamdy óte jaqsy kóremin...

 Erkin Qaldan