3 qazannan bastap Astana qalasynda «Nurly jer» turǵyn úı memlekettik baǵdarlamasy aıasynda komýnaldyq turǵyn úı qoryndaǵy turǵyn úıge muqtaj jandardyń tiziminde barlar arasynda qujat qabyldaý bastaldy.
«IO «KIK» Turǵyn úı» AQ baǵytyna sáıkes, 80 páterdi satyp alý arqyly jalǵa berýdi júzege asyrý josparlanyp otyr. Satyp alý arqyly jalǵa beriletin páterlerdiń merzimi 20 jylǵa deıin. Lepsi kóshesinde kóp qabatty úılerdiń páterlerinde 1 sharshy metr úshin 838 myń teńge kóleminde bolmaq. Olardyń 25 páteri 39,34 sharshy metrden 41,51 sharshy metrge deıin bolatyn 1 bólmeli páter, 41-i 54,71-den 67,37 sharshy metrge deıingi páterler eki bólmeli, 14-i 76,88-den 77,69 sharshy metrge deıin úsh bólmeli páterler.
«Turǵyn úı qurylys jınaq banki» AQ baǵytynyń talaptaryna sáıkes, baǵdarlamaǵa Astana qalasyndaǵy komýnaldyq turǵyn úı qorynan turǵyn úıge muqtaj dep tirkelgen azamattar qatysa alady. Olarǵa qoıylatyn talaptar mynadaı: kóp balaly otbasy, tolyq emes otbasy, múgedek balalardy, jetim balalardy, ata-ananyń qamqorlyǵynsyz qalǵan balalardy tárbıelep otyrǵan otbasylar, oralmandar, memlekettik qyzmetkerler, áskerı qyzmetkerler, arnaıy memlekettik organdardyń qyzmetkerleri, búdjettik uıymdardyń qyzmetkerleri, 1 jáne 2-dárejedegi múgedekter.
Bul tizimdegi azamattarǵa páter úlestirý prosesi bir proporsıada júzege asatyn bolady. Atalmysh baǵytqa sáıkes, qujattar qabyldaý 3 qazannan 5 qazanǵa deıingi aralyqta ótpek.
«Turǵyn úı» AQ baǵytyna sáıkes Astana ákimdigi men «Qazaqstannyń turǵyn úı qurylys jınaq banki» arasynda kelisim jasalyp, oǵan sáıkes 1 sharshy metri 120 myń teńge bolatyndaı 21 páter salý josparǵa engen. Páterler Astanadaǵy № 23-31, 23-17, 23-30, A98 kósheleriniń qıylysyndaǵy aýdanda salynbaq. Olardyń 3-eýi bir bólmeli páterler, 39,4 sharshy metrden 42,48 sharshy metrge deıin; 15-i 57,59 sharshy metrden 58,43 sharshy metrge deıin eki bólmeli páter; 76,97 sharshy metrden 78,06-ǵa deıin 3 úsh bólmeli páter bar.
Páter turǵyn úı qaryzdary, turǵyn úı qurylys jınaǵy men azamattyń óziniń qarajaty arqyly beriledi. Tólemdi tóleý týraly rastaý bolmaǵan jaǵdaıda 8 jylǵa deıingi merzimge satyp alý quqyǵymen jalǵa beriledi.
«Turǵyn úı»JSBK» AQ baǵytynyń talaptaryna sáıkes, baǵdarlamaǵa Astana qalasyndaǵy komýnaldyq turǵyn úı qorynan turǵyn úıge muqtaj dep tirkelgen azamattar qatysa alady. Olar kimder: jetim-balalar, ata-ananyń qamqorlyǵynsyz qalǵan balalalar, múgedekter, Ekinshi dúnıejúzilik soǵys ardagerleri, zeınetkerler (jasyna qaraı), oralmandar, tolyq emes otbasylar, memlekettik qyzmetkerler, áskerı qyzmetkerler, arnaıy memlekettik uıymdardyń qyzmetkerleri men búdjettik uıymdardyń qyzmetkerleri.
Atalmysh baǵytqa sáıkes qujattardy qabyldaý 10 qazannan 12 qazanǵa deıingi aralyqta júzege asyrylady.
Qujattardy ótinish berýshiniń elektrondy sıfrlyq qoly arqyly qabyldanady. Ol e.astana.kz veb-portaly arqyly júzege asyrylady.
Aıta keteıik, «Nurly jer» baǵdarlamasyna qatysamyn degen azamattar halyqqa qyzmet kórsetý ortalyǵyna ótinish berýi qajet. Odan keıin ákimdiktiń kezegine turady.
«Nurly jer» memlekettik turǵyn úı baǵdarlamasy negizgi 5 mindetti iske asyrý arqyly halyqtyń turǵyn úı máselesin keshendi sheshýge baǵyttalǵan:
Halyqtyń áleýmettik jaǵynan osal toptary úshin jalǵa beriletin turǵyn úı qoryn qurý.
Jeke turǵyn úı qurylysyn damytý.
Turǵyn úı qurylys jınaqtary júıesi arqyly ótkiziletin kredıttik turǵyn úı salý.
Jeke qurylys salýshylardy turǵyn úı salýǵa yntalandyrý.
Ipotekalyq kredıt berýdiń qoljetimdigin arttyrý.
