Endi Qazaqstannyń shalǵaı aýdandary men aýyldarynda ornalasqan turǵyndar úshin Turǵyn úı qurylys jınaq banki qyzmetkerlerinen arnaıy jáne jekelegen keńester alýǵa múmkindik týdy. Jýyrda Turǵyn úı qurylys jınaq banki qyzmetkerleri Qazaqstannyń shalǵaı ornalasqan eldi-mekenderin aralaıtyn "Meniń Qazaqstanym" arnaıy poıyzyna qatysatyn boldy. "Osy rette TÚQJB qzmetkerleri shalǵaı jatqan eldi-mekenderge, stansıalar men mono-qalalardy aralap, sol jerdegi turǵyndarmen kezdesýler uıymdastyrady. "Meniń Qazaqstanym" arnaıy qoǵamdyq-qaıyrymdlyq poıyzy aıasynda TÚQJB qyzmetkerleri barlyǵy 30 eldi-mekendi aralaıdy dep josparlanýda. "Meniń Qazaqstanym" qoǵamdyq-qaıyrymdylyq poıyzy baratyn ár eldi-mekende arnaıy oryndar belgilengen. Sol jerlerde turǵyndarǵa jalpy jáne jekelegen keńester berilip, Elbasynyń "Qol jetimdi baspana 2020" baǵdarlamasy keńinen túsindiriledi",-deıdi TÚQJB basqarýshy dırektory Erýlan Jamaýbaev myrza. Sondaı-aq, banktiń topmenedjeri, 23 naýryzda bastaý alǵan "Meniń Qazaqstanym" poıyzynyń mańyzdylyǵyn túsindire kele, atalmysh poezda ekonomıka salasynan ózge, mınıstrlikterdiń óklderi men depýtattar, óner maıtalmandary men dárigerler, qarjy salasynyń mamandary t.b. áleýmettik qyzmetkerler de bar ekenin aıtqan. "Bizdiń poezdtyń baǵytynda bizi, alys-alys aýyldarǵa baramyz. Ol jerlerde bizdiń banktyń bólimsheleri ornalaspaǵandyqtan, qandaı da bir ekonomıkalyq jańalyqtar ol aýyldarǵa kesh nemese merzimi ótip ketkende baryp jetip jatady. Sondyqtan atalmysh poezd baratyn shalǵaı eldi-meken turǵyndaryna banktiń jumysymen tanystyryp, Elbasymyz Nursultan Ábishulynyń "Nurly jolda" naqtylap kórsetip bergen jańa ekonomıkalyq saıasatyn nasıhattaıtyn bolamyz. Sonymen qatar, biz aýyl turǵyndaryna memleket basshysynyń halyqty áleýmettik turǵyn úılermen qamtamasyz etý týraly bergen tapsyrmasyna sáıkes, sharttardy halyqqa túsindirýdi kózdep otymrymyz. Sondaı-aq, aksıa aıasynda aýyl turǵyndary túrli áleýmettik qzmet mamandarynan keńester ala alady. Aksıanyń negizgi máni de osynda jatyr",-deıdi Jamaýbaev myrza. Poezd qazirdiń ózinde Taıynsha, Atbasar, Hromtaý,Beıneý,Túrkistan jáne Saryaǵashta bolyp, halyqpen kezdesýler uıymdastyryp úlgergen. Nátejıesinde biz joǵaryda atap ótken qyzmet túrlerine júginip, qol jetimdi baspana baǵdarlamasy boıynsha t.b. suraqtaryna júzdegen adam tolyqqandy jaýap aldy. "Meniń Qazaqstanym" poezdiniń kelesi baǵyty Lýgovoı, Shý, Saryózek aýyly, Úshtóbe, Aıagóz, Lenınogorsk, Semeı, Ekibastuz, Temirtaý, Jezqazǵan bolmaq. Atalmysh jerlerde meken etetin turǵyndar úshin túrli bul taptytmas múmkindik bolary sózsiz. Al poezd 24 sáýir kúni Astanaǵa qaıta oralady. Aıta ketý kerek, "Meniń Qazaqstanym" poezdi Qazaqstan halqy assambleıasy jylyna, Ekinshi dúnıejúzilik soǵystyń 70 jyldyǵyna jáne Konstıtýsıanyń 20 jyldyǵyna arnalyp otyr.