«Real Madrıd» fýtbol klýbynyń qorǵaýshysy Marselo basshylyqtan ózin «Iýventýs» fýtbol klýbyna satýdy talap etti dep habarlaıdy Qamshy.kz aqparat agenttigi.

Tanymal oıynshy maýsym aıynda emes, keıingi jyldyń qańtar aıynan bastap «Iýventýstyń»  quramynda oınaǵysy keletinin jetkizdi. Ol «Iýventýstyń» ózin qýana-qýana satyp alatynyn biledi, ózi de atalmysh komandada oınaýǵa asyq, sol sebepti ýaqyt joǵaltqysy kelmeıdi eken. Bul jaǵdaı «Real Madrıd» fýtbol klýbynyń prezıdenti Pereske aýyr soqqy boldy. Sebebi «Real Madrıdtiń»  ataǵy burynǵydaı jer jaryp turǵan joq. Qazirdiń ózinde realdyq oıynshylar 9 oıynnyń úsheýin jeńilispen aıaqtady. Sonymen birge kóptegen jas chempıondardyń «Real Madrıdke» degen qyzyǵýshylyǵy burynǵydaı emes. Al Peres ózi qalaǵan sportshyny zorlyqpen ustap tura almaıdy. Eger Marselo qalasa kelesi jyly Ronaldý men Marselonyń qatysýmen ótken oıyndy tamashalaı alamyz. Bul Ronaldý men Marselonyń jankúıerleri úshin qýanyshty jańalyq bolǵaly tur.

♦Tanymal fýtbolshy Ronaldýdyń basy daýǵa qaldy (foto)

Eske sala keteıik, bıyl jazda Marselonyń jaqyn aralasatyn dosy Krıshtıaný Ronaldý «Iýventýs» quramasyna aýysqan bolatyn. Keıin Marselo da óz dosynyń sońynan erip, «Iýventýs» fýtbol klýbyna aýysýy múmkin degen sybys tarady. Sebebi fýtbol jankúıerleri Ronaldý men Marselonyń arasyndaǵy dostyqtyń berik ári erekshe ekenin biletin. Olar oıyn kezinde de, oıynnan tys ýaqytta da eki fýtbolshynyń dos súısinip, dushpan kúıinetindeı dostar.

Marselo 2009 jyly Madrıd qalasyna endi kóship kelgen Ronaldýǵa kóp kómek kórsetti. Sodan beri qansha ýaqyt zyrǵyp ótse de dostyqtary nyǵaıa tústi. Olardyń dostyǵy klýbtyń basshylyǵyna unaıtyn, óıtkeni alańda bir-birin sózsiz túsinip, júıeli oıyn kórsetetin. Krıshtıaný Ronaldýdyń minezi aýyrt bolǵanymen, Marselo onyń tilin taba bildi.  Únemi ázildesip, qaljyńdasyp, jeńisterin birge dýmandatyp toılaıtyn eki dos sózsiz kóptiń kózine túsetin.

Tipti birde «Ronaldý baqytty. Men onymen birge oınaǵandy jaqsy kóremin. Ol úshin qýanyshtymyn. Ronaldý meniń týǵan aǵam sekildi», -dep málimdeme jasaǵan bolatyn Marselo dosy.

♦Advokat: Maǵan Ronaldýdan zorlyq kórgenin aıtyp taǵy bir áıel habarlasty

Ronaldý Marselo týraly jıi pikir bildire qoımaıtyn. Biraq dostyqqa adaldyǵyn ispen kórsetýge tyrysyp, oıyn kezinde de, daıyndyq kezinde de Marseloǵa motıvasıa berip otyratyn. Marselo da fýtbolshynyń bul qasıetin baǵalaı bildi.

Keıin Ronaldý «Iýventýs» fýtbol klýbyna ketken soń jaqyn dosymen qımaı qoshtasqany jankúıerlerdiń kóńilin bosatyp jiberdi.

«Qoshtasatyn ýaqyt ta jetti. Ant eteıin, meni osyndaı sát kútip turǵanyn bilgen joqpyn. Biraq ómirde barlyǵy máńgi emes. Seniń jańa belesiń sátti bolady dep senemin. Biz 10 jylǵa jýyq ýaqytty birge ótkizdik. Bul jyldar qýanyshqa da, sátsizdikke de, jeńis pen jeńiliske de toly boldy. Keremet esten ketpes estelikterimiz bar. Men senen kóp nárseni úırendim. Seniń adaldyǵyń sportshylardyń arasynan seni erekshelendirip turatyn. Saǵan jáne seniń jańa "otbasyńa" (klýbyńa-red.) barlyq jaqsylyqty tiledim. Senimen ótken daıyndyqty da, oıyndardy da qatty saǵynatyn bolamyn. Ańyzǵa aınalǵan fýtbolshy bolǵanyń úshin ǵana emes, keremet adam retinde de senimen maqtanamyn. Senimen bir komandada oınaǵanymdy, birge tájirıbe almasyp, daıyndalǵanymdy maqtan tutamyn. Men kareramdy támamdaǵan kezde kafede otyryp, barlyq estelik sýretterdi qarap, áńgime aıtatyn bolamyz», -dep jazypty Marselo óziniń ınstagram paraqshasynda.

Qyrkúıek aıynda Marselo «Real Madrıdten ketpeımin. Sońyna deıin oınaımyn», - dep málimdeme jasaǵan bolatyn. Alaıda aıaq astynan sheshimin ózgertken fýtbolshynyń bul áreketin «Ronaldýdy saǵynǵan ǵoı» dep paıymdady jankúıerler. Biraq budan basqa da sebepter bar sekildi. Osyǵan deıin Ronaldý jaısyz jaıttardan kóz ashpaı kele jatqanyn jazǵan edik. Tanymal fýtbolshy «Real Madrıdtiń» ózine ádeıi qastandyq jasaǵanyn aıtty.  Ronaldýdyń bul málimdemesin estigen Marselo 10 shaqty jyl jaqyn aralasqan dosyna qoldaý bildirý úshin osyndaı qadamǵa barǵan shyǵar, kim bilsin?!