Donald Tramptyń josparlary, aralasatyn, telefon arqyly sóılesetin adamdary, jalpy ár qadamy kimge qyzyq, kimge kerek? AQSH-tyń sońǵy jańalyqtaryna sholyp shyqsaq, Qytaıǵa qarsy saýda soǵysy týraly aqparatqa kezigesiz. Muny eskersek, «Tramptyń jospary Qytaıdy alańdatady» dep birden aıta salýǵa bolady. Bıyl 24 qyrkúıekte Tramp 200 mıllıard dollar kólemindegi qytaılyq taýardan bas tartatyny týraly málimdegen. Alaıda tek Qytaı ǵana emes, Tramptyń josparlary jaıly jasyryn túrde anyqtap jatqan taǵy bir memleket bar eken. Ol – Reseı. Tramp pen Pýtınniń arasyndaǵy «dostyq» qarym-qatynasqa qaramastan, reseılikter AQSH prezıdentiniń telefonyn tyńdaıtyn bolyp shyqty. Buǵan AQSH-tyń Reseıge salyp jatqan sanksıalary áser etýi múmkin.
Bul týraly Tramtyń kómekshileri prezıdentke talaı eskertken.
Esimderin jasyrǵan belgisiz sheneýnikterdiń sózinshe, amerıkalyq arnaıy qyzmet organdary Trampttyń telefony tyńdalatynyn anyqtapty. Qytaı tarapy AQSH-taǵy saýda soǵysy jaıly aqparatty bilýge tyrysyp baqsa, Reseıdiń maqsaty – jumbaq.
Aqparatqa sáıkes, qytaılyqtar Tramptyń telefon arqyly jıi sóılesetin adamdarynyń tizimin jasaǵan.
♦Qytaı jýrnalısi Trampqa alǵys jaýdyrdy (vıdeo)
Qytaılyqtar jasaǵan tizimniń kóshin bastap turǵandar mynalar: Blackstone Group kompanıasynyń atqarýshy dırektory Stıven Shvarsman. Ol Pekındegi Sınhýa ýnıversıtetiniń magıstrlik baǵdarlamasyn qarjylandyryp otyrǵan mıllıarder jáne Las Vegastaǵy kazınolardyń biriniń basshysy bolǵan, mıllıarder Stıv Ýınn. Onyń búgingi tańda Makaoda jeke bıznesi bar. Ýınniń ókili qandaı da bir pikir berýden bas tartty. Shvarsman qýana-qýana pikir bildirdi. Aıtýynsha, eki memleket arasyndaǵy túıtkildi máselelerdi sheshýge qashan da daıyn eken.
Tramp ádette senimdi, qorǵalǵan telefon jelisin qoldanady. Alaıda resmı eki iPhone-y men jeke telefonynan bas tartpaq oıy joq. Jumys telefony Ulttyq qaýipsizdik agenttigimen qorǵalǵan bolsa, nómirleri saqtalǵan jeke uıalysyn arnaıy organdar áli kúnge deıin baqylaýǵa almaǵan.
Buǵan qatysty Apple kompanıasy prezıdenttiń iPhone-y týrasynda pikir bildirýden bas tartty.
Al Tramptyń telefnoy qashanǵa deıin tyńdalatyny, prezıdenttiń ári qaraıǵy áreketi belgisiz.
