Konferensıaǵa 300 delegat qatysty, dep habarlaıdy Qamshy.kz aqparat agenttigi Atyraý oblysynyń Óńirlik komýnıkasıalar qyzmetine súıene otyryp.
Konferensıa jumysyna «Nur Otan» partıasynyń hatshysy, partıa Saıası keńesiniń múshesi Qanybek Jumashev qatysty. Partıa fılıaly Saıası keńesiniń, baqylaý-tekserý komısıasynyń 2017-2018 jyldary atqarǵan jumystarynyń esebi tyńdaldy. Sonymen qatar, Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynan týyndaıtyn mindetter talqylandy.
Jıynda Qanybek Jumashev «Nur Otan» partıasynyń «Úzdik bastaýysh partıa uıymy» Respýblıkalyq baıqaýynyń atyraýlyq 12 jeńimpazyn marapattady.
-Partıa elimizdiń ishki jáne syrtqy saıasatynyń ornyqty bolýyna, óndirisin órkendetip, aýylsharýashylyǵyn qarqyndy damytýǵa, shaǵyn jáne orta kásiptiń qanat jaıýy men elimizdiń álem elderi qaýymdastyǵy arasyndaǵy bedelin qalyptastyrýǵa úlken yqpal etýde. Elimizdiń ǵasyrǵa parapar qysqa ýaqytta áleýmettik-ekonomıkalyq turǵydan damýyna jáne ósip-órkendeýine partıa músheleriniń qosqan ulesi zor,- dep atap ótti partıa hatshysy.
Sonymen qatar, konferensıada partıanyń Saıası keńes quramy men baqylaý-tekserý komısıasy quramy saılandy.
Oblys ákimi Nurlan Noǵaev óz baıandamasynda oblysta partıa atqaryp jatyrǵan jumystarǵa toqtalyp ótti.
-Búginde Qazaqstan Respýblıkasy Prezıdentiniń bes áleýmettik bastamasynyń iske asyrylýyn baqylaý jónindegi Atyraý oblystyq Qoǵamdyq keńesi qurylyp, birinshi - tórtinshi bastamalary boıynsha tıisti organdarǵa 23 usynystar ázirlenip, oryndalysy turaqty baqylaýǵa alyndy,- deıdi aımaq basshysy.
Atyraýda jańǵyrý jumystarynyń negizgi ózegi – partıalyq kadrlardy daıarlaýda polıtologıalyq bilim erekshe nazarǵa alynyp, óńirler boıynsha alǵashqy jáne ázirge dara «Saıasattanýshylar ortalyǵy» quryldy. Ortalyq arqyly saraptama júrgizilip, ıdeologıalyq qyzmet baǵyttary men metodıkalyq materıaldar naqtylandy.
Sonymen qatar, oblysta jańa bastamashyl partıalyq jobalar aıasynda «Birlik» BPU-ynyń qoldaýymen «İT-mamandaryn daıarlaý ortalyǵy» quryldy jáne oblys boıynsha 10 «IT-synyby» boıynsha 752 bala baǵdarlamalaý men robototehnıka dárisin meńgerýde.
Jastar máselesi partıanyń basty nazarynda. Partıa Tóraǵasynyń tapsyrmasyna sáıkes, mektep túlekterin BPU-dary arqyly jumyspen qamtý jáne oqýǵa tartý sharalary júrgizildi. Memorandýmdar aıasynda «APEC Petrotechnic» joǵary tehnıkalyq kolejine 350 jas qabyldansa, «Jalyn», «Arnaýly avtobaza», «Kaspıı-Balyq» óndiristik kooperatıvi BPU-darymen 120-dan asa túlek jumysqa qabyldandy.
-Partıanyń modernızasıasy árbir azamatqa, olardyń jetistikterge jetýine járdemdesedi jáne elimizdiń Úshinshi jańǵyrýynyń dáýirlik mindetterin sheshýge septigin tıgizedi. Elbasy aıqyndap bergen naqty strategıalyq mindetter bar. Strategıalyq maqsattardy Prezıdent belgileıdi, bul ár «Nur Otan» partıasynyń múshesine aýqymdy maqsattar men jaýapkershilik júkteıdi. Partıa Tóraǵasynyń tapsyrmalaryn tabysty júzege asyrý úshin bárimiz jumylyp, ortaq maqsattarǵa birge jetýimiz qajet,-dedi oblys ákimi Nurlan Noǵaev.
