Qazirgi ýaqytta 120 jańa jáshikter qalaǵa ákelinip, ornatýǵa daıyndalýda dep habarlaıdy  Qamshy.kz aqparat agenttigi Atyraý qalasy ákimdiginiń baspasóz qyzmetine súıene otyryp.
Osylaısha, oblys ortalyǵynda ǵana emes, qala mańyndaǵy aýyldyq okrýgterde de qoqys alańdarynyń bolmaý máselesi sheshilmek.
"Arnaýly avtobaza" JSHS basshylyǵynyń aıtýynsha, qazirgi ýaqytta qalada 700 alańda 3600 qoqys jáshikteri ornatylǵan. Kún saıyn qoqys polıgonyna eki aýysymda 300 tonnaǵa deıin qoqys tasylady. 
- Atyraý qalasynyń ákimdigi 222 jańa eýro standartty qoqys jáshikterin satyp aldy, búgin olardyń 120-y qalaǵa ákelindi jáne ornatýǵa daıyndyq júrip jatyr, al qalǵan 102 jáshik osy aptanyń sońyna deıin qabyldanady. Biz olardy oblys ortalyǵynyń ortalyq kóshelerinde ornatýdy josparlap otyrmyz. Eski qoqys jáshikteri jóndelip, qala mańyndaǵy aýyldyq okrýgterge ornatyldy, - dep málimdedi «Arnaýly avtobaza» JSHS dırektory Almas İztileýov.
Atyraý qalasyn sanıtarlyq tazalaýmen aınalysatyn kásiporyn «Arnaýdy avtobaza» JSHS-de 280 qyzmetker jumys jasaıdy jáne teńgerimde 150 arnaıy tehnıka bar, onyń 50-i qatty turmystyq qaldyqtardy jınaýmen jáne shyǵarýmen aınalysady.