Aqtóbede oqýshy qyzdyń ólimine qatysty aqparat áleýmettik jeli arqyly tarap jatyr. Úıinde qyzýy kóterilip, es-tússiz qulaǵan búldirshin jedel járdem qyzmetkerleri jetkenshe qaıtys bolǵan. Qamshy.kz aqparat agenttigi atalmysh vıdeony jarıalamaýdy jón kórdi.

Jantúrshigerlik oqıǵa 3 qarasha kúni «Nur Aqtóbe» aýdanyndaǵy turǵyn úılerdiń birinde tirkeldi dep habarlaıdy matritca.kz. Marqum bolǵan oqýshy qyz birinshi synypta oqyǵan eken.

Dárigerler kelgenshe anasy uıyqtap jatyr dep oılap, qaıtys bolǵan qyzynyń qolyn ýqalap otyra beripti.

Dene qyzýymen qulap, qaıtyp es jınaı almaı qalǵan búldirshinniń jaǵdaıyn kórshileri vıdeoǵa túsirip alǵan.

Jelide taraǵan vıdeoda jedel járdem qyzmetin 40 mınýt kútkeni aıtylady. Qyzdyń anasy balasynyń qyzýy kóterilip, qaltyrap qulap qalǵanyn jetkizgen.

Vıdeoda balanyń tamyr soǵysyn teksergen dárigerdiń birden jaǵdaıdy sezgeni kórinip tur. Ol balanyń qandaı da bir dertpen esepte bar joǵyn suraıdy.

Kishi dáretin jiberip qoıǵan bala qulaǵan jerinde jata bergenge uqsaıdy.

Áleýmettik jelide tez tarap ketken kishkentaı qyzdyń ólimine qatysty aqparat aqtóbelikterdi shoshytyp otyr.

Ata-analar WhatsArp jelisi arqyly balanyń qyzýy kóterilse, birden dáriger shaqyrý kerektigin aıtyp, eskertýler jasaýda.

Belgisiz jaǵdaıda qaıtys bolǵan oqýshynyń ólimine qatysty sot-medısınalyq saraptama taǵaıyndalǵan.