Jasyndaı jarqyldaǵan Ádilbek Nıazymbetov bokstaǵy karerasyn aıaqtady dep jazady Qamshy.kz aqparat agenttigi Qazaqstan boks federasıasynyń baspasóz qyzmetiniń deregin negizge alyp. Onyń esimi qazaq boksynyń tarıhynda altyn árippen jazylyp qalmaq.
London jáne Rıo-de-Janeıro Olımpıada oıyndarynyń kúmis júldegeri, Azıada jeńimpazy Ádilbek Nıazymbetov rıngtegi karerasyn aıaqtaǵanyn málim etti. Bul jańalyqqa qatysty ulttyq qurama komandanyń bas bapkeri Myrzaǵalı Aıtjanov óz oıyn aıtty.
"Ádilbek ár sportshynyń mańdaıyna buıyra bermeıtin jeńisterge qol jetkizdi. Olımpıada oıyndary men Álem chempıonatynyń fınalyna tek myqtylar shyǵady. Sondyqtan otandyq boks aldynda sińirgen eńbegi orasan", - deıdi Myrzaǵalı Aıtjanov.
Ádilbek Nıazymbetov bokstan ulttyq qurama komandanyń kapıtany bolyp, bul mindetti de abyroımen atqardy. QR birinshiligi aıaqtalǵan soń bapkerler keńesi qurama sapynda óner kórsetetin boksshylarmen birge jańa kapıtandy da bekitpek.
Pikir qaldyrý