Jeńil salmaqta aralas jekpe-jek faıteri, etnıkalyq qazaq Damır Ismaǵulov UFC uıymymen kelisimshart jasaty, - dep habarlaıdy Qamshy.kz aqparat agenttigi vesti.kz saıtynyń deregin negizge alyp. 

27 jastaǵy sportshy barlyq jarysta Reseı atynan judyryqtasady. 

Ismaǵulov M-1 aıasynda judyryqtasyp, 18 jekpe-jektiń on altysynda jeńiske jetken. Onyń toǵyzyn nokaýtpen. Sońǵy ret ol 15 maýsym Orynborda judyryqtasty. Alǵashqy raýndtyń tórtinshi mınýtynda belorýs Artem Damkovskıı qarsylasy Ismaǵulovqa shabýyldap, qolyn syndyryp alady da, jekpe-jekti jalǵastyra almady. Osylaısha, Ismaǵulov jeńil salmaqta M-1 chempıondyǵyn qorǵap qaldy. 

Damırdiń UFC-degi alǵashqy qarsylasynyń esimi jaqyn arada belgili bolady.

Aıta keteıik, Ismaǵulov UFC-men kelisimshartqa otyrǵan alǵashqy qazaq emes. Munyń aldynda Qytaıda ósken Jumabek Tursyn osy uımymmen kelisim jasasqan edi.