Kezdesý Qazaqstan Respýblıkasynda úkimettik emes uıymdar men memlekettiń ózara is – qımylyn damytý jónindegi 2016-2020 jyldarǵa arnalǵan ulttyq jospar aıasynda ótti. Buǵan deıin de byltyr 40-qa jýyq qoǵamdyq belsendiler men úkimettik emes uıymdardyń ókilderimen bas qosyp, 48 suraq qoıylǵan. Olardyń 43-i búgingi kúnge deıin sheshimin tapsa, qalǵan 5 suraq uzaq merzimdi.
Osymen ekinshi ret ótken kezdesýge otyzdan asa adam keldi. Aımaq basshysy áleýmettik-ekonomıkalyq kórsetkishter, kásipkerlerdi qoldaý, oblystaǵy jol qurylysy týraly aıtyp berdi. Sonymen qatar, Tushshyqudyq, Aqshymyraý, Qyzan, Ushtaǵan jáne Shaıyr kentterindegi joldardyń jóndelip jatqanyn, al Aqtaý-Jańaózen jolyn jóndeý kelesi jyldyń qazan aıynda aıaqtalatynyn aıtty. Kezdesý barysynda barlyǵy 40-tan astam suraq qoıyldy.
«Órkenıetti keleshek» qoǵamdyq birlestiginiń dırektory Gúlbarshyn Qarabalına, oblys basshysyna 7-20-25 baǵdarlamasy týraly suraqtar qoıyldy. Eraly Toǵjanov, qazirgi tańda Mańǵystaý oblysy respýblıka boıynsha osy baǵdarlamany júzege asyrý boıynsha 3 orynda turǵanyn aıtyp ótti: «Búgingi tańda 200-den astam páter berildi. Sonymen qatar, biz bastapqy jarnany 20-dan 10% - ǵa deıin tómendetý boıynsha jańa baǵdarlama ázirledik. Barlyq bankter, bizdi qoldap otyr»-dedi oblys basshysy.
Sondaı-aq elimiz boıynsha mańyzdy - tarıfterdiń máselesi talqylandy. Mańǵystaýda elektr energıasyn tasymaldaý tarıfi 187 myń adamdy qamtı otyryp, 26% - ǵa tómendedi. Al, elektr energıasyn óndirý boıynsha 8% - ǵa 670 myń adamdy qamtýmen.
"Mańǵystaý oblystyq tutynýshylardyń quqyqtaryn qorǵaý qoǵamy" qoǵamdyq birlestiginiń dırektory Nıkar Rafıkova turmystyq gaz baǵasy tómendetilgen, biraq Aqtaý turǵyndary úshin "QazTransGazAımaq" AQ Mańǵystaý óndiristik fılıalymen áli de qaralyp jatqanyn atap ótti.
«Tarıfterdi tómendetý máselesi ońaı emes. Tarıfterdi tıisti mınıstrlikter belgileıdi. Osy máselelerdi kóterdik. Olardyń kópshiligi Qaýipsizdik Keńesiniń sheshimine engizilgen. Barlyq máseleler boıynsha mınıstrlikter habardar», - dedi Eraly Toǵjanov.
Kezdesý barysynda kóterilgen taǵy bir mańyzdy másele – aýyl sharýashylyǵy, sonyń ishinde mal sharýashylyǵyn damytý. Qoǵam belsendisi Jánibek Qojyq, Aýyl turǵyndary úshin ásirese kúzgi-qysqy kezeńde sharýalar úshin jem-shóp máselesi asa ózekti ekenin jetkizdi.
«Bıyl Mańǵystaýda mal basynyń 12% - ǵa ósýi tirkeldi. Sondyqtan, árıne, mal azyǵy máselesi biz úshin árqashan birinshi orynda bolady. Bıylǵy jyly 35 brıgada shóp daıyndaý jumystaryn júrgizip, 45 myń tonna shóp daıyndaldy. Sondaı-aq, óńirge 800 tonna mal azyǵy jetkizildi. Oblys boıynsha jem-shóp daıyndaýdyń jalpy josparyn ázirleý maqsatynda ár aýdan úshin jylyna qajetti jem-shóp sanyn sanaý týraly tapsyrma berildi», - dedi ákim Eraly Toǵjanov.
Qoǵam belsendisi Kıikbaı Jaqypuly oblys turǵyndary men sheneýnikter arasynda baılanys qajet ekenin atap ótti: «Halyq tarapynan qoıylǵan suraqtarǵa jaýap berýge nemese máseleni túsindirý úshin aýdan, aýyl ákimderi, túrli memlekettik qurylymdardyń basshylary áleýmettik jelidegi belsendilikti arttyryp, paraqshalar ashýyn, al ashylǵan akkaýntardyń jumysyn kúsheıtý kerektigin jetkizdi»». Oblys ákimi Eraly Toǵjanov: «Men barlyq deńgeıdegi basshylarǵa áleýmettik jelilerde resmı paraqshalar ashýǵa, olardyń vedomstvolary men aýdandarynyń barlyq ózekti máselelerin baqylaýǵa jáne jaýap berýge tapsyrma berdim. Jáne bul jumystardy qadaǵalaý oblys ákiminiń baspasóz qyzmetine júkteledi» dedi.
Saıasattanýshy Erbol Edilov Mańǵystaýda fýtboldy qarjylandyrý jáne odan ári damytý máselesine qatysty suraq qoıdy.
«Bizdiń mindetimiz – Mańǵystaýǵa fýtboldy qaıtarý boldy. Bizdiń fýtbolshylarymyz oblystan tys jerlerde, basqa alańdardla oınady.Sondyqtan, bizdiń turǵyndar óz komandalarynyń oıynyn kóre almaı júrdi. Biz klýbtyń jumysyn kúsheıtý úshin jattyqtyrýshylardy, fýtbolshylardy shaqyrdyq. Qazirgi kezde Mańǵystaýdyń eki balasy Kıevtik Asenalda oınap júr. Bıyl birinshi lıgada boýdy josparladyu jáne oǵan qol jetkizdik. Fýtbolshylarymyz oblys namysyn el birinshiliginde qorǵaý úshin, qarjylandyrý máselesin de sheshetin bolamyz. Aldaǵy ýaqytta bizdiń fýtbol klýbymyz Qazaqstannyń joǵary lıgasynda bolýy kerek. Aldymyzda osy mańyzdy mindet tur».
Kezdesý qorytyndysy boıynsha aımaq basshysy tıisti basqarmalar men aýdan ákimderine barlyq aıtylǵan suraqtarǵa jaýap berýdi, sonyń ishinde olardy BAQ-ta jáne áleýmettik jeliler arqyly jarıalaýdy tapsyrdy.
