2018 jyldyń 20 qarasha kúni "Habar 24" mynandaı aqparat taratty: "Qazaqstanda tártip saqshylary aldaǵy ýaqytta qara kók tústi kıim kıetin bolady. Polıseılerdiń formasynda POLITSIIA sózi paıda bolady, latyn álipbıindegi bul jazý shevrondarǵa da jazylady. Kıimniń qandaı yńǵaıly ekenin Nazarbaevqa ishki ister mınıstri Qalmuhanbet Qasymov aıtyp berdi. Polıseıler jańa formany jańa jyldan bastap kıedi".
Jańa emle erejeler boıynsha POLISIA sózi «POLITSIIA» emes «POLISIA» dep jazylý kerek edi.
Óıtkeni halyq arasynda nasıhattalyp júrgen emle erejelerdiń 78-paragrafynda «S ÁRPİ JÁNE S ÁRİP TİRKESİ S ÁRPİ ARQYLY JAZYLADY: sırk, sıfr, sılındr, sırkýl; desımetr, medısına, proporsıonal, abzas, kvars, konstıtýsıa, korporasıa, seh; senarı, sıofıt, abses, absısa, plebısıt» delingen. Osy taraýdyń eskertýinde «QATAR KELGEN S ÁRPİ TS TİRKESİ ARQYLY TAŃBALANADY: PITSA, NITSA» delingen, al 83-paragraftyń eskertýinde: «I ÁRPİNEN KEIİN TURǴAN Ia-NYŃ ORNYNA A JAZYLADY: qıar, sıa, Túrkıa, jarıa» delingen.
♦Elbasy polıseılerdiń synǵa qalǵan jańa formasymen tanysty (vıdeo)
Alaıda emle erejeleri áli de talqylaný ústinde. Meniń oıymsha «polısıa» sózin orys tilindegi dybystalýy boıynsha emes, týysqan túrki (ázerbaıjan, túrik, túrkimen) tilderindegideı «POLIS» dep alǵan jón sekildi.
Ázirge polısıa kıimi tanystyrý úshin úlgi retinde az danamen tigilgen bolar, kelesi tigý jumystarynda «POLITSIIA» sózinde ketken eki qateni jóndep «POLISIA» dep ózgerter, bolmasa latyn grafıkasyn qoldanyp otyrǵan kórshi túrki tilderindegideı «POLIS» dep alar nemese qazaq tiline beıimdep «PÓLIS» dep alar. Jalpy alǵanda álipbıdegi keıbir kemshilikter túzelmeı turyp, latyn grafıkasyn resmı mekemelerde qoldaný durys emes.
Qaldybaı Arystanbekuly
Ál-Farabı atyndaǵy QazUÝ Shyǵystaný fakúlteti
Taıaý Shyǵys jáne Ońtústik Azıa kafedrasy
