Kóshpendi halyqtyń urpaǵy, myna bizder tegimiz ben ulttyq negizimizdi, naǵyz arǵymaǵymyzdyń qadir-qasıetin baǵamdaý – búgingi kúndegi mindetimiz.
Elbasynyń «Uly dalanyń jeti qyry» atty tarıhı sanany jańǵyrtý maqsatyndaǵy baıandamasy tarıhshylarǵa úlken serpin men jańasha kózqarastar qalyptastyryp, tarıhı zertteýlerdiń jańa metodologıasyn, dálirek aıtsaq, ult tarıhyn zerttep-zerdeleýdegi negizgi zertteý ádisteri men baǵdarlaryn aıqyndap berdi.
Men bul maqalaǵa kóz sala otyryp, qazaq halqynyńǵana emes, túbi túrki dúnıesiniń tarıhyn túgendegen Elbasy Nursultan Ábishulyn túrki tildes halyqtarynyń rýhanı janashyry retinde tanydym.
Árbir halyqtyń jeke halyq bolyp qalyptasýy úshin kóptegen tarıhı kezeńderdi basynan ótkizýine týra keledi. Bul kúrdeli úrdis bir nemese eki ǵasyrdyń ishinde bolmaıdy, halyq bolý úshin birneshe ǵasyrlardy qajet etedi. Osy oraıda, ult bolyp qalyptasý jolyndaǵy kórgen talaı qasiretti jyldary men ótkelderinen sabaq ala otyryp, halyq bolyp saqtalýymyzdyń irgesin berik ustanýymyz qajet.
Elimizdegi jáne alys jáne jaqyn shet elderdegi arhıv qujattaryn zerttep-saralap, naqty ǵylymı derekterge súıene otyryp, obektıvti tujyrymdamalar jasaı kele, jahandyq álem tarıhyndaǵy qazaq ultynyń mártebesin, tegimizde bar ata-babalarymyzdan qalǵan rýhanı jáne materıaldyq qundylyqtardy anyqtap, álem halyqtaryna pash etý, halqymyzdyń bedelin kóterý.
Ulttyq tarıhymyzda ata-babamyz atqa miný mádenıeti men jylqy sharýashylyǵyna asa mán bergen. Halyq danalyǵynda «Eýrazıa kóshpendileriniń tarıhy – tulpar tuıaǵymen jazylǵan tarıh» dep beker aıtpaımyz. Biz, qazaq – kóshpendi halyqtardyń ishinde óz etnomádenıetin saqtaǵan halyqpyz.
Elbasynyń bul baıandamasy qazaq tarıhy ǵylymyna bulqynys ákeldi, tarıhshylarǵa jańa betburys jasady dep aıtar edim. Tarıhta qazaqty ult retinde saqtap qalǵan rýhanı qundylyq – ulttyq sana, tarıhı sananyń rýhy dep sanaımyn.
Aqnur Orolova
tarıh ǵylymynyń magıstri
