Qaraǵandyda bolǵan tóbeles ultaralyq qaqtyǵystan emes, turmystyq negizde týyndaǵan. Bul týraly OKQ-de ótken brıfıńte QR İshki ister mınıstriniń birinshi orynbasary Janat Súleımenov málimdedi dep habarlaıdy Qamshy.kz aqparat agenttigi baq.kz-ke silteme jasaı otyryp.

«Tergeý barysynda tóbeles turmys negizde týyndaǵany anyqtaldy. Sebebi, tóbeles ultaralyq janjaldan emes, turmystyq negizde týyndaǵan. Tóbeles jańa jyldy qarsy alý kezinde meıramhanada bolǵan», - dedi ishki ister mınıstriniń birinshi orynbasary.

Osyǵan deıin Qaraǵandydaǵy «Drevnıı Rım» meıramhanasynda 1-qańtarda tóbelesten er adamnyń qaza tapqany týraly habar taraǵan. 

Óńirdegi polısıa ókilderiniń málimetinshe, 1 qańtarda qaladaǵy meıramhanalardyń birinde zorlyq belgileri bar 23 jastaǵy jigittiń denesi tabylǵan. Osy ýaqytta ártúrli dene jaraqatyn alǵan úsh jigit (24-27 jas aralyǵyndaǵy jigitter) medısınalyq mekemeniń kómegine júgingen.